Në datat 27.-29.01.2012 u zhvillua në Tiranë, Konferenca rajonale e forumeve rinore të partive të qendrës së djathtë e atyre konservatore të Europës Juglindore. Aktiviteti u mundësua falë bashkëpunimit mes Forumit Rinor të Partisë Demokratike, Institutit Kombëtar Amerikan ( NDI) dhe Zyrës për Shqipërinë të Fondacionit „Konrad Adenauer“.

Në këtë konferencë morën pjesë më shumë se 50 të ftuar nga rajoni si dhe dy referentë jashtë rajonit; njëri nga Irlanda, si përfaqësues i Kryesisë së YEPP ( Forumi Rinor i Partive Popullore Europiane ) njëkohësisht i „Young Fine Gael“ dhe tjetri, si përfaqësues i Forumit Rinor ( Junge Union ) nga Gjermania.

Çelja e konferencës u bë nga zonja Ana Radiçeviç ( Referente rajonale e NDI-së), Dr. Ëillibold Frehner ( Drejtor i Zyrës së KAS për Shqipërinë) dhe z. Gerti Bogdani ( Kryetar i FR-PD dhe Deputet i Kuvendit të Shqipërisë).

I ftuar special i aktivitetit ishte edhe Kryeministri i Shqipërisë, Prof. Dr. Sali Berisha, i cili përgjatë një gjysëm ore shfrytëzoi rastin të bënte të ditura qëndrimet e tij politike dhe të diskutonte me të rinjtë e pranishëm në sallë, mbi sfidat dhe zhvillimet në vend e rajon. Fokusi i deklaratave të tij lidhej gjithsesi me problemet në fushën e politikave rinore.

Përfaqësuesi i „Young Fine Gale“, i Unionit Rinor të Gjermanisë dhe anëtari i Kryesisë së Forumit Rinor të DSB-së (Democracy for a strong Bulgaria) në Bullgari, paraqitën strukturat e organizatave të tyre dhe u fokusuan së pari në rolin e forumeve rinore dhe veçanërisht në kontributin e partive të tyre respektive në punën me rininë, si dhe në konceptet që lidhen me luftën ndaj papunësisë ndër të rinjtë. Pasditen e ditës së dytë të aktivitetit u diskutua më pas në grupet e punës dhe u tentua që sëbashku të shtjelloheshin ide e të sugjeroheshin zgjidhje konkrete mbi reduktimin e papunësinë në radhët e të rinjve të rajonit.

Të rinjtë nga rajoni i Ballkanit Perëndimor posedojnë shancet tashmë për të përfunduar studimet në njërin ndër universitetet shtetërore apo private në vendet e tyre përkatëse, por si në profesione të tjera, ashtu edhe në sferën akademike, ato janë të pakta për të fituar një vend të përhershëm pune.

Në konferencë u trajtua edhe një referat i përgatitur nga z. Ivan Cerovac, nga Universiteti i Zagrebit, mbi origjinën dhe domethënien e ideologjive moderne politiko-filozofike të Europës.

Konferenca ndërkombëtare në fjalë, forcoi kompaktësinë e organizatave rinore në Europë, e para së gjithash i shërbeu shkëmbimit të informacioneve mes tyre në rajonin e Ballkanit. Ky këmbim informacioni solli më pranë punën në strukturat organizative të forumeve rinore dhe gjeneroi ide për të zhvilluar programe të suksesshme për luftën ndaj papunësisë në radhët e të rinjve. Ajo njëkohësisht përbën edhe një hap të rëndësishëm për partitë politike, për të marrë përsipër më shumë përgjegjësi në vendet përkatëse.