Konrad Adenauer Fondu və „ 21 Century“ Birliyi hüquq elmləri üzrə mütəxəssis Gehard Robbersin „Avropa Birliyində dövlət və kilsə„ adlı kitabının tərcümə edilməsi ilə birgə layihəyə imza atdı. 2011-ci ilin may ayında kitabın gürcü dilində tərcüməsi nəşr olundu. Nəşr Avropa təcrübələrinə əsasən hüquqi müstəvidə dövlət – kilsə münasibətlərinin formalaşmasından bəhs edir. Nəşr aktual məsələyə toxunur: belə ki, hazırda Gürcüstanda dövlət – kilsə münasibətlərinin hüquqi müstəvidə formalaşması barədə müzakirələr gedir. Bu tərcümə bu işdə maraqlı olan şəxslərə, ekspert və tələbələrə Avropa Birliyi ölkələrinin təcrübələrini yerindəcə müzakirələrə çıxarmağa imkan yaradır.