Беларускі архіў вуснай гісторыі
Галоўная ідэя і задача праекта — паказаць гісторыю Беларусі ХХ ст. праз прызму погляду сведкі часу і такім чынам дапамагчы захаванню памяці пра найноўшы перыяд гісторыі Беларусі, у тым ліку па тэмах, якія з’яўляюцца актуальнымі і спрэчнымі, дапамаглі б дыскусіі ў грамадстве, узбагацілі б магчымасці разгляду (беларускім кантэкстам) гісторыі СССР у сусветных даследаваннях.
На сайце архіва з дапамогай адмыслова створанага тэхнічнага забеспячэння ў лічбавай форме захоўваюцца і выкарыстоўваюцца, у першую чаргу, аудыё- і відэаінтэрв’ю, а таксама апытальнікі, анкеты, біяграфіі, транскрыпцыі, фотаздымкі рэспандэнтаў, лічбавыя копіі дакументаў асабістага паходжання, што даюць магчымасць інтэрпрэтацыі вусных успамінаў. Удзельнікі праекта апрацоўваюць існуючыя калекцыі, а таксама арганізуюць экспедыцыі да сведак часу. Напрыклад, у пачатку жніўня 2011 г. прайшла экспедыцыя па збору матэрыялаў на Наваградчыне, дзе даследчыкі сабралі 57 успамінаў людзей сталага веку, самому старому рэспандэнту на момант інтэрв’ю споўніўся 101 год.
Гэты архіў прызначаны для прафесійных гісторыкаў, даследчыкаў іншых галін, адукатараў і усіх зацікаўленых. Праект распачаты вясной 2011 г. і знаходзіцца на стадыі станаўлення, таму яго каманда запрашае да супрацоўніцтва па розных накірунках:
- пошук уладальнікаў калекцый вусных успамінаў;
- апрацоўка дакументаў і выстаўленне іх на партал;
- камунікацыя па праблемах вуснай гісторыі і архіўнага захоўвання вуснагістарычных дакументаў у лічбавым фармаце.
Глядзіце перадачу TUT.by-ТВ пра "Беларускі архіў вуснай гісторыі" з удзелам аўтараў праекта:
Прыклады падобных праектаў: