Эміграцыя студэнтаў і моладзі з Беларусі
Артыкулы да мерапрыемства
У Беларусі пытанні працоўнага рынку, занятасці і адукацыі прыцягваюць значную ўвагу грамадскасці. Ў час моцнага крызісу – абменны курс беларускага рубля да амерыканскай валюты пабіў усе рэкорды – урад і апазіцыя шукаюць магчымасці для эканамічнай стабілізацыі. Адукацыйная сістэма адыгрывае ў гэтым пытанні выбітную ролю – яна ўсё яшчэ ацэньваецца як неэффектыўная, састарэлая і не адпавядаючая патрабванням працоўнага рынку. Таму прапановы па рэфармаванню эканомікі амаль заўсёды звязаныя з абмеркаваннем рэформаў у сістэме адукацыі.
Спыніць збег мазгоў
Вызначальнымі для гэтай сферы ў апошні час былі заклікі беларускага прэзідэнта Аляксандра Лукашэнкі да спынення ўцечкі мазгоў і стварэння нацыянальнага агенцтва адукацыі. Яшчэ адзін вызначальны фактар – далучэнне Беларусі як часткі Еўрапейскай прасторы вышэйшай адукацыі да Балонскага працэсу з траўня 2015 г.. Шэраг наглядальнікаў і сам урад прызнаюць, што Беларусі яшчэ прыйдзецца папрацаваць для паўнавартаснага ўдзелу ў Балонскім працэсе. Заяўленыя на будучыню выбары рэктараў беларускіх універсітэтаў – толькі адзін крок на шляху да падвышэння прафесіянальнай кваліфікацыі працоўнай сілы ў Беларусі.
Трэба зацікавіць маладое пакаленне
Пра тое, што адпаведныя рэформы сістэмы адукацыі, як і арыентацыя на патрабаванні рынка працы мусяць пачацца менавіта з вышэйшай школы і як мага хутчэй, нагадваюць две агульныя лічбы: па-першае, амаль 90% беларускіх выпускнікоў школ кожнага года ідуць ва ўніверсітэты, ў параўнанні з прыблізна 45 % ў Германіі. Вышэйшая адукацыя ёсць для Беларусі нечым звычайным для абсалютнай большасці, і, мабыць, менавіта таму яна часта пакутуе на прафесійныя недахопы. Па-другое, менавіта маладое пакаленне беларусаў увогуле незадаволенае развіццём краіны. 60 % мужчын ва ўзросце да 45 гадоў лічаць, што іх краіна развіваецца ў неправільным кірунку. З улікам гэтых істотных выклікаў для беларускай сістэмы адукацыі маладые выпускнікі універсітэтаў і супрацоўнікі сферы адукацыі, якіх беларускі офіс Фонда імя Конрада Адэнаўэра запрасіў у Вілью, цягам 8 і 9 жніўня спрабавалі абмеркаваць магчымасьці для спынення ўцечкі мазгоў.
Выпрацоўка падыходаў
На падставе дакладаў рэферэнтаў з Італіі, Польшчы, Германіі і Літвы былі праведзеныя параўнанні з адукацыйнымі сістэмамі іншых дзяржаваў і высветленыя прычыны недахопаў беларускай сістэмы адукацыі, якія, не ў апошнюю чаргу, прыводзяць да ўцечкі мазгоў. Пасля абмеркавання вынікаў дакладаў і дыскусій удзельнікі распрацавалі сумесны дакумент, які ўтрымлівае падыходы і рэкамендацыі да гэтай тэматычнай сферы.
тэмы
серыя пра гэта
Фонд імя Конрада Адэнаўэра, а таксама яго адукацыйныя установы, цэнтры падрыхтоўкі й замежныя прадстаўніцтвы штогод прапануюць тысячы мерапрыемстваў па разнастайных тэмах. Аб асобных найбольш важных канферэнцыях, падзеях і сімпозіумах мы даем аператыўную і эксклюзіўную інфармацыю на сайце www.kas.de. Тут, побач з абагульняючымі рэзюмэ зместу, можна знайсці дадатковыя матэрыялы, такія як графікі і выявы, рукапісы прамоў, відэа- і аўдыёзапісы.