"Hapja e dosjeve - përvoja gjermane” - Auslandsbüro Albanien
Event
Details
Përballja me të kaluarën dhe hapja e dosjeve të ish-sigurimit të shtetit është një sfidë e rëndësishme për Shqipërinë, për të bërë të mundur krijimin e një shoqërie, qytetarët e të cilës janë të informuar e të angazhuar në politikëbërje.
Në këtë kuadër Fondacioni Konrad Adenauer, zyra për Shqipërinë, organizon konferencën “Hapja e dosjeve- Përvoja gjermane”. E ftuar si eksperte nga Gjermania, do të jetë zonja Hildigund Neubert, nënkryetare e Fondacionit Konrad Andenauer, si edhe e ngarkuara e Land-it Thüringen, për dosjet e sigurimit të shtetit në ish Gjermaninë Lindore. Zonja Neubert do të shpjegojë me detaje gjatë prezantimit të saj, përvojën gjermane në ballafaqimin me të kaluarën dhe hapjen e dokumenteve të Stasi-t.
Do të marrin pjesë në aktivitet edhe kryeministri i vendit Z. Edi Rama; Ministri i Punëve Sociale, Erion Veliaj; si dhe zëvendësministrja e Punëve Sociale dhe Rinisë, Genitiana Sulaj.