“UNË I MBIJETOVA TEPELENËS!” - Auslandsbüro Albanien
Buchpräsentation
Details
Me rastin e botimit të vëllimit të tretë të “Fjalorit enciklopedik të viktimave të komunizmit”, Fondacioni Konrad Adenauer në Tiranë , në bashkëpunim me Institutin e Studimit të Krimeve dhe Pasojave të Komunizmit në Shqipëri, organizojnë me datë 6 nëntor, 2014, ora 12:00 një konferencë të përbashkët me fokus kampet e internimit në periudhën 1945-1954. Aktiviteti do të jetë një homazh për gjithë viktimat e kampeve të internimit në Shqipërinë komuniste të kësaj periudhe, dhe që në mënyrë jo krejt simbolike, do të zhvillohet në territorin e ish-kampit të Tepelenës, i cili njihet tashmë si një nga kampet më famëkeq për trajtimin e pamëshirshëm dhe numrin e madh të viktimave.
Me këtë rast, përveç “Fjalorit encikplopedik” i cili, ashtu si edhe kjo konferencë mbështetet financiarisht nga Fondacioni Konrad Adenauer, në formën e një ekspozite të improvizuar do të promovohet dhe albumi i z.Lek Pervizi, me skica dhe portrete nga kampet dhe burgjet, si të vetmet dëshmi vizuale të trashëguara nga ngjarjet.