Vrojtim statistikor mbi opinionin e Shqiptarëve rreth hapjes së dosjeve të Sigurimit të Shtetit dhe Lustracionit - Auslandsbüro Albanien
Expertengespräch
Details
Më datën 4 shkurt në orën 11:30, Fondacioni Konrad Adenauer në bashkëpunim me Institutin për Integrimin e Ish të Përndjekurve Politikë, Tiranë do të publikojnë në Hotel Rogner rezultatet e vrojtimit statistikor mbi opinionin e Shqiptarëve rreth hapjes së dosjeve të Sigurimit të Shtetit e Lustracionit, dhe në veçanti mbi opinionin e shtresave të ndryshme të Ish-të Përndjekurve Politikë.
Vrojtimi statistikor është kryer në periudhën 13 – 23 janar 2015. Për këtë, u ndërtua një pyetësor me 15 pyetje, i cili u administrua me telefonata fikse dhe celulare. Gjithsej u anketuan 1200 shtetas shqiptarë nga të gjitha qarqet e Shqipërisë. U anketuan vetëm shtetas, te cilet ne janar te vitit 1991 kanë qenë mbi moshën 16 vjeç. Kjo grupmoshë presupozohet të ketë njohuri më të sakta rreth çështjeve për të cilat u krye vrojtimi. Numri i telefonatave fikse e celulare në çdo qark u përcaktua në përpjestim me popullsinë e tyre urbane e rurale.