Details

Беларусь святкуе серыю 25-гадовых юбілеяў устанаўлення дыпламатычных адносін з ключавымі партнёрамі ў галіне знешняй палітыкі. У сувязі з гэтым, восьмая канферэнцыя Мінскага Дыялогу імкнецца прапанаваць гістарычную перспектыву станаўлення і развіцця суверэннай палітыкі Беларусі і кантэкстуалізаваць свае праблемы і дасягненні. У трохпанэльнай канферэнцыі вядучыя эксперты і прадстаўнікі дыпламатычнага корпуса будуць аналізаваць дасягненні і упушчаныя магчымасці ў працэсе ўстанаўлення і развіцця дыпламатычных адносін з асноўнымі знешнепалітычнымі партнёрамі, а таксама вывучаць альтэрнатыўныя падыходы да канцэптуалізацыі знешняй палітыкі Беларусі.

Гісторыя станаўлення Мінскага Дыялогу

Мінскі Дыялог (МД) быў запушчаны ў сакавіку 2015 года ў якасці Трэка-ІІ (недзяржаўнага) - дыпламатычнай платформы з акцэнтам на міжнародных адносінах і бяспекі ў Еўропе і Еўразіі. Абгрунтаваннем для гэтай ініцыятывы было стварэнне платформы на ўзроўні экспертаў для адкрытых і высакаякасных міжнародных дыскусій за межамі геапалітычных падзелаў аб самых складаных агульнаеўрапейскіх праблемах. Да цяперашнага часу, сем паспяховых міжнародных канферэнцый былі праведзены ў рамках МД, якія сабралі ў Мінске вядучых экспертаў з ЕС, Расіі, краін Усходняй Еўропы і ЗША, а таксама прадстаўнікоў міжнародных арганізацый і дыпламатычнай супольнасці. На кожнай канферэнцыі выступалі высокапастаўленыя службовыя асобы: міністр замежных спраў Рэспублікі Беларусь і яго намеснікі, спецыяльны прадстаўнік дзейнага старшыні АБСЕ ў Украіне і Кантактнай групы мірнага ўрэгулявання сітуацыі на ўсходзе Украіны, члены Еўразійскай эканамічнай камісіі, намеснік Генеральнага сакратара Цэнтральна-Еўрапейскай ініцыятывы, кіраўнік Прадстаўніцтва ЕС у Беларусі і іншыя. У прамежках паміж буйнымі міжнароднымі канферэнцыямі праводзяцца брыфінгі і сітуацыйны аналіз, а таксама сесіі па прагназаванню.