Հայ-եվրոպական համագործակցության նոր հեռանկարները
Միջոցառման մասին զեկույցներ
Այն բանից հետ, երբ կնքվեց ԵՄ-Հայաստան ասոցացման պայմանագիրը և որոշվեց Հայաստանի անդամակցությունը ԵՏՄ-ին, հարցականի տակ դրվեց Հայաստանի դեպի Արևմուտք արտաքին քաղաքական կողմնորոշումը, ինչպես նաև Բրյուսելի ու Երևանի միջև հարաբերությունների հետագա ընթացքը:
Չնայած ԱլԳ ծրագրի շրջանակներում կնքված ԵՄ-Հայաստան ասոցացման պայմանագրի առկայությանը՝ սկսվեց Հայաստան-ԵՄ երկկողմ հարաբերությունների բոլորովին նոր փուլ:
Աջակցման ակտի (Single Support Framework ) ստորագրումից հետո կողմերը համագործակցությունն ընդլայնեցին այնպիսի ոլորտներում, ինչպիսիք են hանրային կառավարումը, մասնավոր սեկտորը և դատական համակարգի բարեփոխումները: Բացի այդ կողմերն իրենց համագործակցությունն իրականացնում են ընդհանուր շահերի շրջանակներում: Ակնկալվում էր, որ 2015 թ. մայիսին ԱլԳ-ի Ռիգայի գագաթաժողովից հետո կվերսկսվի մի նոր բանակցային գործընթաց ԵՄ-Հայաստան հարաբերություններում:
Հաշվի առնելով այդ հանգամանքը ԿԱՀ-ը կազմակերպեց բաց քննարկում երկկողմ հարաբերությունների հետագա ընթացքի վերաբերյալ: Հիմնադրամի հրավերով երկխոսությանը մասնակցում էին քաղաքական, հասարակական և դիվանագիտական դաշտի հարյուրավոր ներկայացուցիչներ:
Երկխոսության սկիզբն ազդարարեց կրթության և գիտության նախարար Արմեն Աշոտյանը: Նա շեշտեց, որ ԱլԳ ծրագիրը մեր շահերի տեսանկյունից այնպես պետք է իրականացվեր, որ այն չնպաստեր աշխարհաքաղաքական շահերի բախմանը:
Աշոտյանը նաև ընդգծեց, որ մեծ տեղ է տալիս անհրաժեշտ բարեփոխական գործընթացների իրականացման համատեքստում ԵՄ-ի պատրաստակամությանը և սատարում է հայկական կողմի ջանքերին՝ շարունակելու համագործակցության եզրեր փնտրել ԵՄ-ի հետ: Չնայած Հայաստանի անդամակցությանը ԵՏՄ-ին՝ մեր երկիրը ձգտում է պահպանել ԵՄ-Հայաստան երկկողմ տնտեսական հարաբերությունները,-ասաց Աշոտյանը:
Տարածաշրջանային ուսումնասիրությունների կենտրոնի ղեկավար Ռիչարդ Գիրագոսյանի գլխավորությամբ երկկողմ համագործակցության հեռանկարների և հնարավոր տարբերակների վերաբերյալ զեկույցով հանդես եկան նաև Հայաստանում Եվրամիության պատվիրակության ղեկավար Տրայան Հրիսթեան, ընդդիմադիր պատգամավոր Թևան Պողոսյանը, Խաչատուր Քոքոբելյանը, ինչպես նաև ԵՊՀ Եվրոպական ուսումնասիրությունների կենտրոնի ղեկավար Արթուր Ղազինյանը:
Այս շարքի մասին
«Քոնրադ Ադենաուեր» հիմնադրամը, նրա կրթական մեխանիզմները, կրթական կենտրոնները և արտասահմանյան գրասենյակները տարեկան առաջարկում են տարբեր փոփոխվող թեմաների շուրջ հազարավոր միջոցառումներ: Ընտրված կոնֆերանսների, իրադարձությունների, սիմպոզիումների և այլնի վերաբերյալ մենք հաղորդում ենք հրատապ և հատուկ Ձեզ համար www.kas.de կայքով:Այստեղ Դուք կգտնեք ամփոփիչ բովանդակության կողքին նաև լրացուցիչ նյութեր , ինչպիսին են նկարներ, ելույթների տեքստեր, տեսաֆիլմեր կամ ձայնագրություններ: