ՔԱՂԱՔԱԿԱՆ ԱՌԱՋՆՈՐԴՈՒԹՅՈՒՆ ԵՎ ԲԱՆԱԿՑՈՒԹՅՈՒՆՆԵՐ
Միջոցառման մասին զեկույցներ
Երիտասարդ քաղաքական գործիչները հրապարակային ելույթների, ճառերի և հարցազրույցների վերաբերյալ քիչ փորձառություն ունեն, այդ իսկ պատճառով տեսական մասին ծանոթանալուց հետո մասնակիցները հնարավորություն ունեցան սովորածը կիրառելու նաև գործնականում: Անցկացվեցին նաև թիմային աշխատանքներ, որոնք վերաբերում էին քաղաքական ուղերձներին, թիմի կառավարմանը և կոալիցիոն բանակցությունների անցկացմանը:
Սեմինարը նպաստեց նաև Հայաստանի տարբեր շրջանների երիտասարդ կուսակցականների միջև ցանցի ձևավորմանը, ինչպես նաև հարթակ ստեղծել տարածաշրջանից դուրս կուսակցական քաղաքական երկխոսությունների համար: Արդյունքում մասնակիցները ֆեյսբուքյան խումբ են ստեղծել, որի միջոցով վերջիններս հնարավորություն ունեն շփվել միմյանց հետ՝ ներգրավելով նաև կազմակերպիչներին:
Գործնականում կիրառելի և անհրաժեշտ քաղաքական տեխնիկային տիրապետելուց բացի, մասնակիցները հնարավորություն ունեցան դասախոսություններից մեկի շրջանակներում քննարկելու նաև Հայաստանում արդեն խնդրահարույց դարձած սահմանադրական բարեփոխումների հիմնահարցը, ինչպես նաև անդրադարձ կատարելու ժողովրդավարական կառավարման տարբեր ձևերի առավելություններին և թերություններին: ՀՀ Ազգային Ժողովի աշխատակազմի ղեկավար, ինչպես նաև սահմանադրական բարեփոխումների հանձնաժողովի անդամ պարոն Հրայր Թովմասյանի հետ մասնակիցները քննարկեցին սահմանադրական բարեփոխումների հայեցակարգը, որոնց մեկնարկը տրվեց դեռևս 2013 թվականին նախագահ Սերժ Սարգսյանի կողմից և արդեն այս տարի դրվեց Աժ քննարկման:
Այս շարքի մասին
«Քոնրադ Ադենաուեր» հիմնադրամը, նրա կրթական մեխանիզմները, կրթական կենտրոնները և արտասահմանյան գրասենյակները տարեկան առաջարկում են տարբեր փոփոխվող թեմաների շուրջ հազարավոր միջոցառումներ: Ընտրված կոնֆերանսների, իրադարձությունների, սիմպոզիումների և այլնի վերաբերյալ մենք հաղորդում ենք հրատապ և հատուկ Ձեզ համար www.kas.de կայքով:Այստեղ Դուք կգտնեք ամփոփիչ բովանդակության կողքին նաև լրացուցիչ նյութեր , ինչպիսին են նկարներ, ելույթների տեքստեր, տեսաֆիլմեր կամ ձայնագրություններ: