Asset Publisher

Միջոցառման մասին զեկույցներ

Ձմեռային քաղաքական դպրոց

Հյուրատետր Florian C. Feyerabend, Գիորգի Բուտիկաշվիլի

«Վաղվա բոլոր կուսակցությունները»

«Վաղվա բոլոր կուսակցությունները» քաղաքական դպրոցի 2-րդ սեմինարին մասնակցում էին Հայաստանի, Ադրբեջանի և Վրաստանի երիտասարդ լիդերները, որոնց հիմնական խնդիրներն էին ձևավորել քաղաքական կուսակցություններ, սահմանել գործառույթներ, մշակել կուսակցությունների անդամագրման մեթոդներ, առաջարկել քարոզարշավների իրականացման միջոցներ, ինչպես նաև քաղաքական հաղորդակցություն իրականացնել:

Asset Publisher

Հայաստանի, Ադրբեջանի և Վրաստանի տարբեր քաղաքական կուսակցությունների 14 երիտասարդ քաղաքական լիդերներ 2015 թ. հունվարի 25-29 հյուրընկալվել էին Կոնրադ Ադենաուեր հիմնադրամի թիֆլիսյան մասնաճյուղ: Ձմեռային դպրոցի շրջանակներում երկխոսության հիմնական նպատակն էր վեր հանել քաղաքական կուսակցությունների կազմակերպման լավագույն ձևերը և սահմանել վերջիններիս գործառույթները: Երկխոսության մյուս առաջնային կետերն էին մշակել կուսակցությունների անդամագրման մեթոդները, առաջարկել քարոզարշավների իրականացման միջոցներ, ինչպես նաև իրականացնել քաղաքական հաղորդակցություն ԶԼՄ-ների միջոցով:

2014 թ. հունիսին ամառային քաղաքական դպրոցի շրջանակներում երիտասարդ լիդերներն արդեն իսկ քննարկել էին Հարավային Կովկասում քաղաքական համակարգերի առանձնահատկությունները, ինչպես նաև քաղաքական բանակցությունների գործընթացները և վերջում առաջ էին քաշել ժողովրդավարության ստեղծման և ներկուսակցական կառույցների բարելավման իրենց սեփական նախագծերը:

Ձմՙեռային դպրոցի շրջանակներում մասնակիցները հնարավորություն ունեցան գործնականում կիրառել ամառային դպրոցում ձեռք բերած գիտելիքները և ներկայացնել սեփական նախագծերը, որոնք գնահատվեցին ըստ ինքնուրույնության, նորարարության, նպատակուղղվածության: Ընտրական հանձնաժողովը, որի անդամներն էին Դավիթ Ապրասիձեն` Թիֆլիսի Իլիայի համալսարանի ներկայացուցիչ, Կարստեն Գրաբովը՝ ԿԱՀ-ի կուսակցական հետազոտությունների և քաղաքական վերլուծությունների համակարգող, և Մոնիկա Լենհարդը՝ Վրաստանում Գերմանիայի դեսպանատան ներկայացուցիչ, արժևորեցին նախագծերը ըստ վերոնշյալ հայեցակարգերի:

Գնահատման արդյունքում Ադրբեջանի ժողովրդավարական բարեփոխումներ կուսակցության «Երիտասարդները հանուն քաղաքական բազմակարծության» նախագիծը ստացավ ամենաշատ միավորները: Ջանան Աթիլգանը, ով «Հարավկովկասյան քաղաքական երկխոսություն» տարածաշրջանային ծրագրի ղեկավարն է, երաշխավորեց հաղթող թիմի 3 երիտասարդ քաղաքական կին-լիդերների նորարարական նախագծի իրականացման ֆինանսավորումը ԿԱՀ-ի միջոցով:

ԿԱՀ-ն արդեն 2008 թ.-ից հարավկովկասյան երկրների երիտասարդ լիդերների համար կազմակերպում է ամառային և ձմեռային դպրոցներ, ինչպես նաև ուսումնական և տեղեկատվական այցելություններ Բեռլին: Այս ձևաչափը թույլ է տալիս իրականացնել երիտասարդ քաղաքական լիդերների փոխանակում և նպաստում է տարածաշրջանում համագործակցությանն ու փոխադարձ ըմբռնմանը: Բացի այդ քաղաքական դպրոցների շրջանակներում կուսակցությունների երիտասարդական կառույցների անդամները ձեռք են բերում գիտելիքներ կուսակցությունների ժամանակակից ժողովրդավարական կառույցների և վերջիններիս գործունեության մասին:

բաժնետոմս

Asset Publisher

Վորկշոպ
03 , թ. - 07 հունիսի, 2014 թ.
«Քաղաքական երկխոսություն Հարավային Կովկաս» Տարածաշրջանային ծրահիր
(Թբիլիսի)
կարդալ հիմա

comment-portlet

Asset Publisher

Այս շարքի մասին

«Քոնրադ Ադենաուեր» հիմնադրամը, նրա կրթական մեխանիզմները, կրթական կենտրոնները և արտասահմանյան գրասենյակները տարեկան առաջարկում են տարբեր փոփոխվող թեմաների շուրջ հազարավոր միջոցառումներ: Ընտրված կոնֆերանսների, իրադարձությունների, սիմպոզիումների և այլնի վերաբերյալ մենք հաղորդում ենք հրատապ և հատուկ Ձեզ համար www.kas.de կայքով:Այստեղ Դուք կգտնեք ամփոփիչ բովանդակության կողքին նաև լրացուցիչ նյութեր , ինչպիսին են նկարներ, ելույթների տեքստեր, տեսաֆիլմեր կամ ձայնագրություններ:

պատվիրելու տեղեկատվություն

erscheinungsort

Tbilisi Georgien