Եվրոպական միության և Կոնրադ Ադենաուեր հիմնադրամի կողմից ֆինանսավորվող  «Քաղաքացիական հասարակության նախաձեռնություն STAR. ՔՀԿ-ները` որպես կայուն, թափանցիկ, հաշվետու և դիմացկուն քաղաքացիական հասարակության կազմակերպություններ Վրաստանի զարգացման համար» (“Civil Society STAR Initiative: CSOs as Sustainable, Transparent, Accountable and Resilient Civil Society Organizations for Georgia's Development”) նախագիծը նպատակ ունի խթանել քաղաքացիական հասարակությանը՝ որպես անկախ, կայուն, թափանցիկ և հաշվետու դերակատար ողջ Վրաստանում։

Ծրագիրն ունի երեք հստակ նպատակ.

1. Քաղաքացիական հասարակության կայուն զարգացման համար անհրաժեշտ իրավական և ֆինանսական միջավայրի բարելավում, ներառյալ պետական ֆինանսավորման թափանցիկությունը և ոչ պետական ​​ֆինանսավորման դիվերսիֆիկացումը, ինչպես նաև ընկերությունների սոցիալական պատասխանատվության մշակույթի խթանումը:
2. Քաղաքացիական հասարակության կազմակերպությունների և նրանց թիրախային լսարանների միջև կապերի ամրապնդում, ներառյալ քաղաքացիական արժեքների խթանումը, քաղաքացիների մասնակցությունը և համայնքային ուղղվածության գործունեության խրախուսումը:

3. Քաղաքացիական հասարակության կազմակերպությունների կարողությունների զարգացում և ընդhանուր առմամբ քաղաքացիական սեկտորի ինստիտուցիոնալ հզորացում՝ հատկապես հանրային ոլորտում հսկողության գործառույթի և շահերի ներկայացման տեսանկյունից:

Ծրագիրն իրականացվում է Կոնրադ Ադենաուեր հիմնադրամի գլխավորած կոնսորցիումի կողմից՝ հետևյալ կազմակերպությունների հետ համագործակցությամբ․ Քաղաքացիական հասարակության ինստիտուտ (CSI), Վրաստանի ռազմավարական հետազոտության և զարգացման կենտրոն (CSRDG), Ուսուցման և խորհրդատվության կենտրոն (CTC), Կրթության զարգացման և զբաղվածության կենտրոն (EDEC) և Եվրոպական քաղաքականության ինստիտուտ (IEP):

Ծրագիրը ներառում է Թբիլիսին և 10 շրջաններ՝ Իմերեթի, Գուրիա, Սամեգրելո-Զեմո Սվանեթի, Ռաչա-Լեչխումի և Քվեմո Սվանեթի, Շիդա Քարթլի, Մցխեթա-Մթիանեթի, Կախեթի, Աջարիա, Սամցխե-Ջավախեթի, Քվեմո Քարթլի: Այս շրջաններում տեղական քաղաքացիական հասարակության կազմակերպություններից ընտրվել են տարածաշրջանային կենտրոններ, որոնք իրենց հերթին դյուրինացնում են տեղեկատվության, փորձի և հնարավորությունների փոխանակումը և համապատասխան տարածաշրջանում ծրագրի գործունեության մասին տեղեկատվության տարածումը: Նրանք հաղորդակցվում են տեղական դերակատարների հետ (քաղաքացիական հասարակության կազմակերպություններ, ինքնակառավարման մարմիններ, տեղական ընկերություններ, լրատվամիջոցներ, կամավորներ, երիտասարդներ և այլն) խորհրդատվության, ցանցերի ստեղծման, շահերի ներկայացման և հսկողության միջոցով: Բացի դրանից, նրանք նպաստում են տեղական քաղաքացիական հասարակության և համայնքային կազմակերպությունների, ինչպես նաև քաղաքացիական ակտիվիստների հզորացմանը և համայնքում նրանց դերի և գործունեության համար գիտակցության բարձրացմանը:

Մինչև 2024 թվականի վերջ մենք կիրականացնենք ավելի քան 200 ծրագիր՝ 6 միլիոն եվրո ընդհանուր բյուջեով և կտրամադրենք 1,8 միլիոն եվրո արժողությամբ 216 ենթադրամաշնորհ։

STAR Քաղաքացիական հասարակության նախաձեռնությունը միավորում է ԵՄ-ի աջակցությամբ իրականացված «Վրաստանի քաղաքացիական հասարակության կայունության նախաձեռնության» („Georgian Civil Society Sustainability Initiative / CSSIGE 2017-2020) ժամանակ ձեռք բերված գիտելիքներն ու փորձառությունը:

Ծրագրի պաշտոնական ֆեյսբուքյան էջ՝ Civil Society STAR Initiative