Details

პროექტის პრეზენტაცია 17 იანვარს გაიმართა, რომელიც ოფიციალურად კონრად ადენაუერის სახელობის ფონდის სამხრეთ კავკასიის წარმომადგენლობის დირექტორმა ჯანან ათილგანმა და საქართველოს განათლებისა და მეცნიერების მინისტრის მოადგილემ ლია გიგაურმა გახსნეს. პროექტის მიზანს წარმოადგენს სამოქალაქო საზოგადოების როლის გაძლიერება, საქართველოს საჯარო სკოლებში სამოქალაქო განათლების საგნის სწავლით მოზარდთა დაინტერესება და სწავლა/სწავლების პროცესის გაუმჯობესება.

პროექტის ამოცანებია:

 

 

 

 

• სამოქალაქო განათლების პედაგოგებისთვის დამატებითი ინფორმაციისა და მეთოდური საშუალებების მიწოდება;

   

• სამოქალაქო განათლების პედაგოგებს შორის კონტაქტების გაღრმავება და არსებული გაერთიანებების განვითარების ხელშეწყობა;

   

• სამოქალაქო განათლების ლობირება და შესაბამისი პოლიტიკის მხარდაჭერა.

   

პროექტის ფარგლებში დაგეგმილია ტრენინგები სამოქალაქო განათლების პედაგოგებისათვის. ქართველი და გერმანელი ექსპერტები, განათლებისა და მეცნიერების სამინისტროს წარმომადგენლებთან ერთად, იმუშავებენ მეთოდოლოგიურ სახელმძღვანელო დოკუმენტებზე, მოეწყობა მრგვალი მაგიდები და თემატური კონფერენციები.

პროექტი სამცხე-ჯავახეთის, შიდა და ქვემო ქართლის, მცხეთა-მთიანეთის, იმერეთის, აჭარისა და კახეთის რეგიონების სკოლებში განხორციელდება.

პროექტი თანადაფინანსებულია ევროკავშირისა და კონრად ადენაუერის ფონდის მიერ და ხორციელდება საქართველოს ტრენერ პედაგოგთა კავშირ „ლამპართან“ ურთიერთთანამშრომლობით.