საქართველო, მოლდოვა და უკრაინა: შემდგომი ნაბიჯები ევროკავშირისკენ - რეგიონული პროგრამა „სამხრეთ კავკასიის პოლიტიკური დიალოგი”
განხილვა
Details
2022 წლის 2 სექტემბერს, თბილისში, კონრად ადენაუერის სახელობის ფონდმა, უმასპინძლა საჯარო დისკუსიას სახელწოდებით „საქართველო, მოლდოვა და უკრაინა: შემდგომი ნაბიჯები ევროკავშირისკენ“.
ღონისძიება გაიმართა გერმანიის საგარეო საქმეთა სამინისტროს მიერ დაფინანსებული პროექტის „აღმოსავლეთ პარტნიორობა პლუსის“ ფარგლებში და ლიბერალური თანამედროვეობის ცენტრთან თანამშრომლობით.
ღონისძიების დასაწყისში, „ასოცირებული ტრიოს“ ქვეყნების ექსპერტებმა, წარმოადგინეს რეფორმების კონკრეტული რეკომენდაციები, კერძოდ, კანონის უზენაესობის სფეროში. მეორე პანელი დაეთმო პოლიტიკურ ნარატივებს, სადაც თავიანთი მოსაზრებები გაგვიზიარეს საქართველოს პარლამენტის საგარეო ურთიერთობათა საპარლამენტო კომიტეტის თავმჯდომარის მოადგილემ, გიორგი ხელაშვილმა და ანდრიუს კუბილიუსმა, ასევე, ევრონესტის საპარლამენტო ასამბლეის დელეგაციის თავმჯდომარემ, ევროპარლამენტში, ანტონ ჰოფრაიტერმა, ბუნდესტაგის ევროპულ საკითხთა კომიტეტის თავმჯდომარემ და ბუნდესტაგში CDU/CSU-ს საპარლამენტო ჯგუფის ევროკავშირის პოლიტიკის მრჩეველმა, მაიკლ ვორლანდერმა.
აქტიური დისკუსიების მსვლელობისას, განხილული იყო ძირითადი კითხვები: რა არის ევროკავშირში ინტეგრაციის პროცესის შემდგომი ნაბიჯები საქართველოს, მოლდოვასა და უკრაინისთვის? რა არის ძირითადი ამოცანები, რომლებიც უნდა გადაიჭრას სამ ქვეყანაში და რა ინსტრუმენტები აქვთ ევროკომისიასა და გერმანიას ინტეგრაციის პროცესის მხარდასაჭერად?