ინტერ-რელიგიური დიალოგი მშვიდობისთვის - რეგიონული პროგრამა „სამხრეთ კავკასიის პოლიტიკური დიალოგი”
საუბარი
Details
შეხვედრაზე საუბარი შეეხო საპატრიარქოსა და კონრად ადენაუერის ფონდს შორის არსებულ წარმატებულ თანამშრომლობასა და სამომავლოდ, ამ თანამშრომლობის გაგრძელებას სოციალურ და ბიოეთიკის საკითხებში.
ქორეპისკოპოსმა შიომ ხაზი გაუსვა თანამშრომლობის მნიშვნელობას, რომელსაც შეუძლია შექმნას ღირებულებებზე ორიენტირებული ინტერ-რელიგიური დიალოგის პლატფორმა საქართველოში და ამავდროულად ხელი შეუწყოს ეკუმენურ დიალოგს ისეთ საკითხებზე როგორიცაა სოციალური ეთიკის დოქტრინალური მიმართულებები, ეკლესიის სოციალური მსახურება და პასუხისმგებლობა.
ფონდის დირექტორმა, თომას შრაპელმა განმარტა, რომ ფონდისთვის საპატრიარქოსთან თანამშრომლობას უდიდესი მნიშვნელობა ენიჭება, რადგან მრავალწლიანმა გამოცდილებამ ცხადყო, რომ იქ სადაც პოლიტიკური დიალოგი უშედეგოა, რელიგიების ურთიერთთანამშრომლობა შეიძლება კონფლიქტების პრევენციის საუკეთესო საშუალებად იქცეს.