ადენაუერის ფონდის ზაფხულის პოლიტიკის სკოლა - რეგიონული პროგრამა „სამხრეთ კავკასიის პოლიტიკური დიალოგი”
სემინარი
Details
რამხელა პენსიის გადახდა შეუძლია ჩვენს ქვეყანას მოხუცებულებისთვის ამჟამად? რა უფრო ეფექტური იქნება ჩვენი ქვეყნისთვის: თითოეულ მოქალაქეზე ორიენტირებული ჯანმრთელობის უფასო დაზღვევა თუ კერძო დაზღვევა? უნდა გავზარდოთ გადასახადები, თუკი ჩვენს ქვეყანაში უკეთესი სკოლებისა და უნივერსიტეტების ხილვა გვსურს?
კონსერვატიული და ქრისტიან–დემოკრატიული პაარტიების ახალგაზრდა წევრები სომხეთიდან და საქართველოდან ისწავლიან, თუ როგორ გასცენ პასუხი ეკონომიკური და სოციალური პოლიტიკის მსგავს სპეციფიკურ კითხვებს კონსერვატიული და ქრისტიან–დემოკრატიული აზროვნების თვალსაწიერიდან გამომდინარე. სკოლის მონაწილეები ასევე ისწავლიან, თუ როგორ გადმოსცენ დამაჯერებლად და დაიცვან სხვების წინაშე საკუთარი პოლიტიკური შეხედულებები.
სემინარის მონაწილეთათვის ზამთარში გაიმართება სემინარის მეორე ნაწილი – ზამთრის პოლიტიკის სკოლა, რომელიც საგარეო უსაფრთხოების პოლიტიკის თემატიკას დაეთმობა. კონრად ადენაუერის ფონდის ზაფხულისა და ზამთრის პოლიტიკის სკოლების მიზანია, ხელი შეუწყოს საქართველოსა და სომხეთის კონსერვატიული და ქრისტიან–დემოკრატიული მრწამსის პოლიტიკური პარტიების ახალგაზრდა წევრებს, რათა ისინი უფრო აქტიურად ჩართონ პარტიულ საქმიანობაში.