მომავალი თაობის ქართველი ჟურნალისტები - რეგიონული პროგრამა „სამხრეთ კავკასიის პოლიტიკური დიალოგი”
ღონისძიებები
ფლიკ–აფიორა, ელფ–აკვიტაინე, ვატერგეიტი –ყველა ეს სკანდალი სრულყოფილი ჟურნალისტური გამოძიებების გარეშე საიდუმლოდ დარჩებოდა. საგამოძიებო ჟურნალისტიკა თავის თავს დემოკრატიის საკონტროლო ორგანოს უწოდებს და ჟურნალისტებს, რომლებსაც სურთ, რომ ამ სფეროში იმუშაონ, მოუწევთ მაღალი სტანდარტების დაკმაყოფილება.
2009 წლის 7–11 სექტემბერს კონრად ადენაუერის ფონდმა და დოიჩე ველეს აკადემიის წარმომადგენლებმა ახალგაზრდა ქართველი ჟურნალისტები უკვე მეორედ მოიწვიეს საგამოძიებო, სატელევიზიო ჟურნალისტიკის ეთიკურ და ტექნიკურ სტანდარტებზე სასაუბროდ, სადაც თორმეტმა მონაწილემ ახალგაზრდა ქართული ჟურნალისტიკის მრავალფეროვანი და დინამიური სახე აჩვენა. შეხვედრაში მონაწილეობას იღებდნენ მნიშვნელოვანი ქართული ტელემაუწყებლობის რეპორტიორები, ჟურნალისტიკის სტუდენტები გორიდან და თბილისიდან (კონრად ადენაუერის ფონდის ადგილობრივი სტიპენდიანტები) და ასევე ჟურნალისტი და ადამიანთა უფლებების დამცველი აქტივისტი www.humanrights.ge –დან .
სამუშაო შეხვედრა დაიწყო ჟურნალისტიკური სამუშაო ეთიკის და სამართლებრივი ასპექტების შესახებ საუბრებით. ამასთან დაკავშირებით ისაუბრეს გერმანელმა ტრენერებმა ებერჰარდ ზუკერმა (დოიჩე ველეს აკადემია) და მარკუს შმიდტმა(WDR). მეორე დღეს საუბრები გააგრძელა ზვიად ქორიძემ (დამოუკიდებელი ჟურნალისტი), რომელიც მედიისა და ჟურნალისტთა საქმიანობის პირობებს შეეხო. მესამე დღეს კი– შალვა რამიშვილმა, რომელიც 2005 წელს კორუფციული გარიგების შედეგად დააპატიმრეს და 4 წლით თავისუფლების აღკვეთა მიუსაჯეს. მან თავის ახალგაზრდა კოლეგებს გაანდო თავისი გამოცდილება და ხაზი გაუსვა დასაბუთებულ ჟურნალისტური გამოძიებების აუცილებლობას.
მეოთხე დღეს ჩატარდა პრესკონფერენცია გერმანიის ტექნიკური თანამშრომლობის საზოგადოების მიერ სიმულაციის ფარგლებში. ახალგაზრდა ჟურნალისტებს კრიტიკულად უნდა ემსჯელათ „გერმანულ სოფელეზე“ რომელიც გერმანიის მთავრობის დავალებით gtz–მა ააშენა. გარდა ამისა, ორმა ჯგუფმა წარმოადგინა გაკეთებული კვლევები. მესამე ჯგუფს დაევალა შერგროვებული სტატიების გამოქვეყნება. მეოთხე დღეს კი შეაჯამეს წინა დღეების მოვლენები, სტატიები და ვიდეო რეპორტაჟები. ორივე ტრენერი მონაწილეებთან ინდივიდუალურად მუშაობდა და ბევრი სასარგებლო მითითებაც მისცა მათ.
სამხრეთ კავკაშიაში არსებული კონრად ადენაუერის ფონდის საქმიანობის ერთ–ერთი მნიშვნელოვანი შემადგენელი ნაწილია მედიის ხელშეწყობა.ფონდის დახმარებით ამ შეხვედრამ ახალგაზრდა ჟურნალისტებს საშუალება მისცა გაეღრმავებინათ ცოდნა საგამოძიებო ჟურნალისტიკაში, რომელიც საქართველოში საკმაოდ სუსტადაა განვითარებული.