Іс-шара ұраны – «Жасыл экономика». Аталған шара Герман экономика Өкілеттілігінің Орталық Азияда жұмыс істеп жатқан күннен бастап 17-ші болып келеді. Форумда талқыланған басты тақырыптар: Қазақстанға құйылатын неміс инвестияцияларының мүмкіндіктері мен мәселелері және Қазақстандағы жасыл экономика. Герман экономика күні – бұл неміс және қазақстандық кәсіпорындардың және олардың саяси әріптестерінің дәстүрлі кездесу орны. Конференцияда қол жеткізілген жетістіктер, болашақ жобалар, екіжақты ынтымақтастықты жақсарту мүмкіндіктері талқыланды. Қазақстандағы герман экономикасы күні неміс және қазақстандық кәсіпорындар өкілдерінің қазақстандық министрліктер мен ұйымдар өкілдерімен іскерлік қарым-қатынас орнатуға арналған берік платформасы болып табылады. Форумда Алматы қаласының әкімі Бауржан Байбек, ҚР инвестициялар мен даму бойынша вице-министрі Альберт Рау, ГФР-ның ҚР-ғы елшісі доктор Гидо Херц, ГФР Бундестаг депутаты, Ұлттық азшылықтар және этникалық немістердің істері бойынша Комиссары Хартмут Кошик, Konrad-Adenauer-Stiftung Қазақстандағы өкілеттілігінің басшысы Томас Хельм және Германиядан шақырылған сыйлы қонақтар болды. Іс-шара Германиядағы дәстүрлі Октоберфест банкетімен аяқталды.