Настани

Одржлив локален развој за подобра иднина

Владата и Собранието во служба на успешни локални политики

Со цел зајакнување на локалните политички капацитети, Фондацијата Конрад Аденауер во соработка со Партискиот истражувачки и аналитички центар “Љубиша Георгиевски” од 13 до 15 јуни 2025 година организираше обука во Штип на тема „Одржлив локален развој за подобра иднина: Владата и Собранието во служба на успешни локални политики“. На обуката земаа учество членови на Извршниот комитет на ВМРО-ДПМНЕ и кандидати за градоначалници, овој настан ја постави основата за развој и имплементација на одржливи и ефективни политики на општинско ниво како клучна основа за функционална држава.

Ден на Европа 2025

25 години поддршка на евроинтегративниот процес и демократскиот напредок на Северна Македонија

На 28 мај 2025 година, се одржа овогодишниот настан по повод Денот на Европа, во организација на Европското движење во Република Северна Македонија, Фондацијата Конрад Аденауер и Центарот за европски студии Вилфрид Мартенс. Одбележувајќи 25 години поддршка на евроинтегративниот пат на Северна Македонија, во рамки на настанот се одржа панел дискусија за процесот на проширување и интеграцијата во ЕУ, по што следеше младински клуб фокусиран на учеството на младите во политиката и општеството.

25 Години Фондација Конрад Аденауер во Северна Македонија

На 27 мај (вторник), Фондацијата Конрад Аденауер со свечена церемонија го одбележа значајниот јубилеј – 25 години присуство во Република Северна Македонија. Настанот се одржа во Музејот на македонската борба за самостојност во Скопје во присуство на високи гости, претставници на државниот врв, политички лидери и долгогодишни партнери и соработници, со кои заеднички се осврнавме на изминатите години соработка - четврт век заедничка посветеност кон демократските вредности, политичкиот дијалог и развојот на земјата.

Меѓурелигиски час

Во рамки на проектот „Меѓурелигиски час“ на 13 мај (вторник), група од 16-тина студенти, од Православниот Богословски Факултет „Св. Климент Охридски“ и Факултетот за Исламски Науки во Скопјe имаа можност за време на посетите на верски објекти да дискутираат на тема “Практична теологија и педагогија на религијата” со професори кои се врвни познавачи на темата.

Политичка академија 2025

Зајакнување на капацитетите на локалната самоуправа

КАС и ПИАЦ „Љубиша Георгиевски“ ја организираа Политичката академија 2025 наменета за градоначалниците од ВМРО-ДПМНЕ со цел зајакнување на организациските, комуникациските и стратешките капацитети на истите. Настанот се одржа од 11 до 13 април во Крушево. На настанот свое излагање имаа стручни лица од областа на комуникациите и стратешкото планирање.

Унапредување на медиумската регулатива во Северна Македонија – Усогласување со нормите на ЕУ

Работилница

Од 13 до 15 март, КАС во соработка со Центарот за Европски студии Вилфред Мартенс од Брисел и со поддршка на ЗНМ организираа работилница на тема „Унапредување на медиумската регулатива во Северна Македонија - Усогласување со нормите на ЕУ".

Вештачката интелигенција во редакциите – предизвици и можности

Работилница

Фондацијата Конрад Аденауер (КАС) во соработка со Здружението на новинарите на Македонија (ЗНМ), реализираше тридневна работилница на тема „Вештачката интелигенција во редакциите – предизвици и можности“, која се одржа од 11 до 13 декември 2024 година во Крушево.

Меѓурелигиски час

Значењето на Светите книги во градењето соживот

На 26-ти ноември се одржа проектот „Меѓурелигиска час“. Настанот го организираше Фондацијата Конрад Аденауер во блиска соработка со Православниот Богословски факултет „Свети Климент Охридски“ и Факултетот за Исламски науки од Скопје.

НАТО - 75 Години единство, соработка и колективна одбрана: Безбедносни предизвици за Европа

Security Challenges for Europe

Фондацијата Конрад Аденауер во соработка со Министерството за надворешни работи и надворешна трговија, како и поддршка на нашата сестринска фондација од Брисел, Центарот за Европски студии Вилфред Мартенс организираше конференција на високо ниво, по повод одбележување на 75-годишнината од формирањето на НАТО со наслов “НАТО - 75 Години единство, соработка и колективна одбрана: Безбедносни предизвици за Европа”.

Зајакнување на капацитетите на пратениците

Предизвиците на парламентарната демократија

Од 18 до 20 октомври 2024 година, во Крушево се одржа тридневен настан организиран од Фондацијата Конрад Аденауер, наменет за новата пратеничка група на ВМРО-ДПМНЕ и Коалицијата.