Pjesa e parë e projektit konsistoi në angazhimin e dy ekpertëve nga Gjermania, të cilët zhvilluan diskutime dhe konsultime me politikanë dhe menaxherë të fushatave zgjedhore mbi fushatën elektorale dhe politikat që të afrojnë sa më shumë me komunitetin. Në veçanti, fokusi ishte tek aspekti i përzgjedhjes dhe paraqitjes së kandidatëve dhe orientimi i një oferte programore. Qëllimi nuk ishte të jepeshin këshilla përfundimtare, por më tepër fillimi i një procesi reflektimi.

Pjesa e dytë u realizua në kuadrin e shkëmbimit të eksperiencave midis kryetarëve të Bashkive Shqiptare dhe kryetarëve të Bashkive Malazeze. Në Ulqin, u zhvillua një takim me kryetarin e Bashkisë Ulqin Ljoro Nrekić, në Kotor me kryetarin e Bashkisë Kotor Vladimir Jokiç e stafin e tij dhe në Tivat me nënkryetarin Dejan Maslovar.