Details

კონრად ადენაუერის ფონდის რეგიონული პროგრამა „ სამხრეთ კავკასიის პოლიტიკური დიალოგი“ და მშვიდობის, დემოკრატიის და განვითარების კავკასიური ინსტიტუტი უკვე მეხუთედ გთავაზობთ პროექტს „მსოფლიო რელიგიათა კლუბი“.

კურსის მონაწილეებს ხუთი თვის განმავლობაში საშუალება ექნებათ, გაეცნონ მსოფლიოში ყველაზე გავრცელებული რელიგიების (იუდაიზმი, ქრისტიანობა, ისლამი, ჰინდუიზმი, ბუდიზმი და ა.შ) ძირითად არსს და ისტორიას, დაესწრონ შესაბამისი დარგის წამყვანი სპეციალისტების ლექციებს და შეხვდნენ ამა თუ იმ რელიგიის წარმომადგენლებს. კლუბის წევრები ასევე მოისმენენ ლექციებს რელიგიასთან დაკავშირებულ აქტუალურ საკითხებზე პოლიტიკურ და სოციალურ მეცნიერებებში, მონაწილეობას მიიღებენ კლუბის მიერ ორგანიზებულ დისკუსიებში.

ამასთანავე, კურსი ითვალისწინებს საქართველოში არსებული რელიგიური ძეგლების და ცენტრების დათვალიერებას, ესეების კონკურსს რელიგიის თემაზე, ფილმების ჩვენებას.

ლექციები ჩატარდება 9 მარტიდან, ყოველ ოთხშაბათს 16:00-18:00 სთ. კურსი არ არის ფასიანი. სრული კურსის დასრულების შემდეგ გაიცემა სერთიფიკატი.

განაცხადის შემოტანა შეუძლიათ 18-დან 30 წლამდე ახალგაზრდებს.

განაცხადის შემოტანის ბოლო ვადაა 26 თებერვალი.

განაცხადის ფორმა იხილეთ ამავე ბმულზე, მარჯვნივ.

გთხოვთ აპლიკაცია გამოგვიგზავნოთ შემდეგ ელექტრონულ მისამრთზე: elene-nod@cipdd.org