Конрад-Аденауэр-сангийн зорилгын нэг нь онцгой мэдлэг чадвартай оюутнуудыг цаашид улс орныхоо улс төр, эдийн засаг, шинжлэх ухаан, хэвлэл мэдээлэл, урлаг болон бусад салбарт хариуцлага хүлээх чадвартай боловсон хүчин болон бэлтгэгдэхэд дэмжлэг үзүүлэх явдал юм. Үүний хүрээнд 2015 оноос КАС-ийн Монгол дахь Суурин Төлөөлөгчийн Газар монголын оюутан залууст “Үндэсний Тэтгэлэг” олгож эхэлсэн билээ.

2020-2021 оны хичээлийн жилд тэтгэлэг авахаар хүсэлт илгээсэн олон оюутан дундаас шилдэг 12 залууг сонгон шалгаруулж авлаа.

Түүнчлэн энэ оноос эхлэн тэтгэлэгт шалгарсан оюутнуудад улс төр, эдийн засаг мөн ардчиллын боловсрол олгох зорилгоор тогтмол сургалт, семинар хийхээр төлөвлөж байгаа бөгөөд эхний уулзалт өнгөрсөн долоон хоногт боллоо.