Cikli i trajnimeve mbi integrimin në BE-në nga KAS u përmbyll me Bashkinë e Fushë-Arrëzit, për të njohur stafin vendor me disa aspekte të vlefshme në punën e tyre në kuadër të përgatitjeve për anëtarësim.
Në ditën e parë, u pritëm në një takim nga Kryetari i Bashkisë Fushë-Arrëz, z. Hil Curri, për të diskutuar më në hollësi mbi nevojat dhe problematikat me të cilat përballet sot pushteti lokal në Shqipëri.
Ditën e dytë u ndalëm më gjerësisht në fazën ku aktualisht ndodhet Shqipëria në procesin e integrimit, si dhe në rolin që mund të luajë pushteti lokal në këtë drejtim.
Në vijim, stafi u trajnua mbi mënyrat se si mund të aplikojnë për të përfituar fonde nga BE-ja dhe se si të komunikojnë më mirë projektet e tyre.
