Eksplorimi i potencialit ekonomik të Shqipërisë dhe mundësive për zhvillim

KAS në bashkëpunim me Baden-Badener Unternehmer Gespräche , një rrjet gjerman sipërmarrësish dhe drejtuesish biznesi, zhvilluan më darë 1 maj një konferencë të përbashkët, të fokusuar në perspektivat e biznesit dhe partneritetet për kompanitë gjermane në Shqipëri, nën moderimin e ish-anëtarit të Bundestagut, Dr. Joachim Pfeiffer.

Dr. Thomas Kunze mirëpriti të ftuarit në emër të zyrës së KAS në Tiranë, duke ofruar një panoramë të historisë dhe kontekstit të vendit. Kjo u pasua nga një diskutim me deputeten Jorida Tabakun, nga Partia Demokratike, e cila ofroi një pasqyrë mbi potencialin e pashfrytëzuar të partneriteteve në Shqipëri dhe procesin e integrimit në BE.

Panelet në vijim përfshinë dy ministra shqiptarë: Ermal Nufi, Ministër i Mbrojtjes, foli mbi sfidat e politikave të mbrojtjes dhe sigurisë në Shqipëri dhe në Ballkanin Perëndimor, teksa Delina Ibrahimaj, Ministre e Ekonomisë dhe Inovacionit, trajtoi disa nga faktorët kryesorë të suksesit dhe sfidat ekonomike të Shqipërisë.

Diskutimet e mëtejshme u fokusuan në gatishmërinë e ekonomisë shqiptare dhe atyre të vendeve fqinje për procesin e anëtarësimit në BE, si dhe në transformimin e e vazhdueshëm infrastrukturor që vendi po përjeton.