Më datë 14 shtator, zyra e KAS për Shqipërinë, organizoi një pritje me rastin e vizitës së Dieter Althaus, ish-Kryeministër i Landit të Turingisë dhe Anëtar i Bordit të Fondacionit Konrad Adenauer, ku shfaqëm për të ftuarit edhe premierën e filmit “Parallel Lives”, në Muzeun "Shtëpia me Gjethe".
![3[1] (7)](/o/adaptive-media/image/49235360/hd-resolution/3%5B1%5D+%287%29.jpg?t=1789723342348)
Ky film i shkurtër nga Alex P. dhe i mbështetur nga KAS, rrëfen historitë e dy artistëve që jetuan mijëra kilometra larg njëri-tjetrit e që gjithsesi patën fate të ngjashme. Dy jetë të ndryshme, të dyja viktima të persekutimit komunist.
![4[1] (2)](/o/adaptive-media/image/49235384/hd-resolution/4%5B1%5D+%282%29.jpg?t=1789723366462)
Nga njëra anë, historia e sopranos shqiptare, pak të njohur, Merita Sokoli dhe nga ana tjetër ajo e tenorit të mirënjohur sovjetik Vadim Kozin, na shërbejnë për të kujtuar se diktaturat shfaqin gjithnjë të njëjtën fytyrë, pavarësisht kufijve gjeografikë.
![2[1] (13)](/o/adaptive-media/image/49235413/hd-resolution/2%5B1%5D+%2813%29.jpg?t=1789723426027)