Fundjavën e kaluar, së bashku me një grup të rinjsh studentë, e shpenzuam me një trajnim mbi menaxhimin efektiv të kohës dhe vetes, me eksperten gjermane Susanne Kamp, nga Kamp Coaching në Berlin.
Teksa ndanim disa nga praktikat më të mira për mirëmenaxhimin e detyrave dhe përgjegjësive ditore, identifikuam edhe disa nga sfidat kryesore më të shpeshta për ta:
- Koha e tepërt e shpenzuar në mediat sociale
- Fenomeni "procrastinating", pra shtyrja e një detyre edhe pse vonesa rezulton në stres të shtuar dhe me pasoja.
Së bashku me trajneren Kamp, u munduam të zbulonim shkaqet e këtyre sjelljeve dhe të ndanim eksperienca dhe zgjidhje praktike për të ndërtuar rutina më të shëndetshme dhe produktive.
