Në kuadër të ciklit të trajnimeve për integrimin evropian me stafet vendore, zhvilluam javën e kaluar një tjetër seminar me stafin e Bashkisë Divjakë. Së bashku me ekspertët tanë, diskutuam mbi ndikimin që ka hapja e negociatave në nivel lokal dhe rolin thelbësor të bashkive gjatë procesit të anëtarësimit. Një fokus të veçantë i kushtuam edhe qasjes së BE-së në fushën e politikave dhe mbrojtjes sociale.
Përgjatë trajnimit, patëm kënaqësinë të kishim të pranishëm edhe Kryetarin e Bashkisë Divjakë, Z. Josif Gorrea; Deputeten e zonës, Znj. Ana Nako, si dhe përfaqësues të tjerë të institucioneve vendore.
