Të mërkurën, datë 5 nëntor, në bashkëpunim me OSCE Albania, zhvilluam një forum diskutimi mbi skemat e dëmshpërblimit për ish-të përndjekurit politikë në Shqipëri, ku u prezantua gjithashtu studimi mbi këtë temë, hartuar nga prof. asoc. dr. Enkeleda Olldashi.
Forumi bëri bashkë ish-të përndjekur politikë dhe përfaqësues të shoqatave të tyre, institucione shtetërore që merren me drejtësinë tranzitore, deputetë të Kuvendit dhe studentë, për të diskutuar mbi sfidat ekzistuese dhe ndryshimet e nevojshme ligjore që do të mundësonin një zbatim më të shpejtë dhe efektiv të skemave të dëmshpërblimit.
