Për të shënuar Ditën Kombëtare të Rinisë në Shqipëri, së bashku me Kongresin Rinor Kombëtar dhe Zyrën Rinore Franko-Gjermane, organizuam të enjten Konferencën "Culture Forward".
Diskutuam me artistë, akademikë, politikbërës dhe përfaqësues të rinisë mbi rolin që kultura mund të ketë si nxitëse e ndryshimeve politike, lëvizjeve rinore dhe bashkëpunimit rajonal.
Pas fjalës përshëndetëse të Drejtorit të KAS Shqipëri, dr. Thomas Kunze, diskutimet që vijuan dolën në disa përfundime të qarta:
• Kultura është politike, sepse formëson mënyrën se si qytetarët mendojnë dhe ndërveprojnë në shoqëri.
• Bashkëpunimi rinor rajonal mbetet gur themeli për paqen dhe të ardhmen e përbashkët.
• Shpeshherë, kultura arrin të ndërtojë ura atje ku politika krijon ndasi.
