Zyra e KAS për Shqipërinë në bashkëpunim me Partinë Demokratike organizuan programin e trajnimit për deputetët e rinj të PD në Kuvendin e Shqipërisë.
Takimi u çel me fjalën përshëndetëse të Kryetarit të PD-së, dr. Sali Berisha dhe Drejtorit të KAS Albania, dr. Thomas Kunze, i cili u shpreh:
“Fillimisht dua të uroj deputetët e rinj që sapo janë zgjedhur në Kuvend. Fondacioni Konrad Adenauer, ashtu si edhe Gjermania, e mbështet rrugëtimin e Shqipërisë drejt Bashkimit Evropian prej shumë vitesh. Partia Demokratike është pjesë e familjes politike popullore evropiane, ku bën pjesë edhe CDU, ndaj ne e mbështesim plotësisht këtë trajnim, si edhe plotësimin e kritereve që çdo deputet duhet të ketë për të përmbushur me dinjitet detyrën e tij.”
