Detaje
Të enjten, datë 4 dhjetor, ju mirëpresim në konferencën "Kultura Përpara - Rinia, Inovacioni & Demokracia në Lëvizje", një konferencë ku kreativiteti dhe energjia rinore bashkohen për të shënuar Ditën Kombëtare të Rinisë.
Së bashku me Kongresin Rinor Kombëtar dhe Zyrën Rinore Franko-Gjermane, konferenca do të çelet me fjalën përshëndetëse të Drejtorit të KAS në Shqipëri, dr. Thomas Kunze, për të vijuar me 2 panele të fokusuara në mënyrën se si kultura ndikon në pjesëmarrjen qytetare dhe në rolin që inovacioni dhe bashkëpunimi rajonal kanë në fuqizimin e të rinjve.
