Նպատակները
Անիմացիոն տեսահոլովակները կդառնան սոցիալական մեդիա արշավի առանցքային բաղադրիչ, որի թիրախային խումբը ՀՀ-ում բնակվող 16-30 տարեկան երիտասարդներն են։ Անիմացիոն տեսահոլովակների նպատակն է ստեղծել ներգրավող, տեղեկատվական և վիզուալ գրավիչ բովանդակություն, որը կտարածվի թվային հարթակներում, ինչպես նաև կօգտագործվի որպես կրթական ռեսուրս։
Պահանջները
- Մշակել ստեղծագործական կոնցեպտ և սցենարի նախնական տարբերակ՝ համահունչ ծրագրի նպատակներին և գաղափարներին։
- Ստեղծել երկու կարճ անիմացիոն տեսահոլովակ (յուրաքանչյուրը՝ մոտավորապես 1.5–2 րոպե տևողությամբ)։
- Տրամադրել պրոֆեսիոնալ հայերեն ձայնավորում (անգլերեն ենթագրերով) և արտոնագրված ֆոնային երաժշտություն։ Ձայնավորումն իրականացնող մասնագետի թեկնածությունը պետք է հաստատվի պատվիրատուի կողմից։
- Տրամադրել ավարտուն տեսահոլովակ, որը համապատասխան կլինի հեռուստատեսային, առցանց և սոցիալական մեդիայում կիրառելու համար։
Պահանջվող Որակավորում
- Առնվազն 5 տարվա մասնագիտական փորձ՝ 2D/3D անիմացիայի և շարժապատկերի դիզայնի ոլորտում։
- Հմտություններ՝ Adobe After Effects, Premiere Pro, Illustrator, Photoshop ծրագրերում։ Blender-ի և այլ 3D գործիքների իմացությունը ցանկալի է։
- Վիզուալ պատմություն ներկայացնելու կարողություն՝ հստակ, նպատակային և ստեղծագործական մոտեցմամբ։
- Փորձ՝ սահմանված ժամկետներում և պայմանավորվածությունների շրջանակում բարձրորակ արդյունքներ ապահովելու ունակությամբ։
- Մասնագիտական պորտֆոլիո՝ ներառյալ երիտասարդական, կրթական, իրազեկման կամ ինստիտուցիոնալ հաղորդակցման բնագավառին վերաբերող օրինակներ։
- Նշում. Սցենարի մշակումը և բովանդակային ուղղորդումը կիրականացվի ծրագրի գործընկերների կողմից։
Ժամանակացույց
- Ավարտուն տեսահոլովակները պետք է հանձնվեն մինչև 2025 թվականի հոկտեմբերի 31-ը։
- Արտադրական գործընթացը կմեկնարկի պայմանագրային փուլից անմիջապես հետո։
Դիմելու կարգը
Հետաքրքրված անձինք կարող են դիմումներն ուղարկել mariamanastasyan@kas.de էլ․ փոստի հասցեին՝ նամակի թեմայի տողում նշելով՝ «Դիմում՝ անիմացիոն տեսահոլովակների արտադրության ծառայությունների համար»։
Դիմելու վերջնաժամկետն է՝ 2025 թվականի օգոստոսի 31-ը։
Պահանջվող փաստաթղթերի ցանկը․
- Ինքնակենսագրական (CV)/կազմակերպության պրոֆիլ
- Պորտֆոլիո, որն ընգծում է անիմացիոն կամ տեսանյութային աշխատանքները
- Կարճ կոնցեպտային առաջարկ (1 էջից ոչ ավել), ներկայացնելով ակնկալվող անիմացիոն տեսահոլովակների ստեղծագործական մոտեցումը
- Արտադրության նախնական ժամանակացույց՝ հիմնական փուլերով և ավարտի ամսաթվերով, ինչպես նաև ծառայությունների արժեքի նախահաշիվ
Խնդրում ենք նկատի ունենալ, որ հետադարձ կապ կլինի միայն նախապես ընտրված թեկնածուների հետ։
Ակնկալում ենք համագործակցել ստեղծագործ և պրոֆեսիոնալ մասնագետի հետ՝ այս կարևոր ուղերձը կյանքի կոչելու նպատակով։