Ազատությունը, արդարությունն ու համերաշխությունը Կոնրադ Ադենաուեր հիմնադրամի (ԿԱՀ) աշխատանքի հիմնական սկզբունքներն են: ԿԱՀ-ը քաղաքական հիմնադրամ է, որն հարում է Գերմանիայի Քրիստոնեադեմոկրատական Միությանը: Որպես ՔԴՄ-ի հիմնադիր և Գերմանիայի առաջին կանցլեր` Կոնրադ Ադենաուերը (1876-1967) միավորեց քրիստոնեասոցիալական, պահպանողական և լիբերալ ավանդույթներ: Նրա անվան հետ են կապվում Գերմանիայի դեմոկրատական վերակառուցումը, արտաքին քաղաքական խարսխումը անդրատլանտյան արժեքային ընդհանրության մեջ, Եվրոպական միավորման տեսլականը և կողմնորոշվածությունը դեպի սոցիալ-շուկայական տնտեսություն: Նրա թողած հոգևոր ժառանգությունը մեզ համար հանձնարարական է և միաժամանակ պարտականություն:

Մեր եվրոպական և միջազգային համագործակցությամբ մենք ձգտում ենք հասնել այն բանին, որ մարդիկ կարողանան ինքնորոշված ապրել խաղաղության ու արժանապատվության մեջ: Մենք նպատակաուղղված կերպով օժանդակում ենք այն բանին, որպեսզի Գերմանիան արդարացնի աշխարհում գնալով մեծացող իր պատասխանատվությունը:

Մենք ուզում ենք մարդկանց ուղղորդել` մասնակցելու ապագայի կերտմանն այս իմաստով: Աշխարհում ավելի քան 70 գրասենյակներով ու 120 նախագծերով մենք աջակցում ենք ժողովրդավարության, իրավական պետականության ու սոցիալ-շուկայական տնտեսության օժանդակմանը: Խաղաղություն և ազատություն ապահովելու համար մենք օժանդակում ենք արտաքին- և անվտանգ քաղաքականության շարունակական երկխոսությանը, ինչպես նաև մշակութային ու կրոնական փոխանակմանը:

Մեզ համար կիզակետը մարդն է` իր հաստատուն արժանապատվությամբ, իրավունքներով ու պարտավորություններով: Նա մեզ համար սոցիալական արդարության, ազատ ժողովրդավարության և մնայուն տնտեսության ելակետ է հանդիսանում: Համախմբելով մարդկանց, որոնք ընդունում են իրենց հասարակական պատասխանատվությունը, մենք զարգացնում ենք ակտիվ ցանցային աշխատանքներ քաղաքականության, տնտեսության և հասարակության բնագավառներում: Մեր քաղաքական գիտելիքների կառավարումը բարելավում է գլոբալիզացիայի սոցիալապես արդար, էկոլոգիապես կայուն և տնտեսապես արդյունավետ կազմակերպման հնարավորությունները:

Մենք համագործակցում ենք պետական հիմնարկությունների, կուսակցությունների, քաղաքացիական հասարակության կազմակերպությունների, ինչպես նաև ընտրյալ էլիտայի հետ: Մեր նպատակների ու արժեքային պատկերացումների միջոցով մենք ցանկանում ենք հատկապես զարգացման քաղաքականության մեջ քաղաքական համագործակցությունը ապագայում ևս խորացնել տարածաշրջանային և գլոբալ մասշտաբներով: Մեր գործընկերների հետ միասին մենք օժանդակում ենք միջազգային կարգուկանոնին, որը յուրաքանչյուր երկրի համար հնարավոր է դարձնում զարգացումը ազատության և սեփական պատասխանատվության մեջ:

Թբիլիսիում/Վրաստան գտնվող գլխավոր գրասենյակով, Երևանի/Հայաստան մասնաճյուղի հետ համատեղ ԿԱՀ-ը տարածաշրջանում ներկայացված է «Քաղաքական երկխոսություն Հարավային Կովկաս» ծրագրով:

Վրաստանում ԿԱՀ-ը հիմնականում նախագծում և իրականացնում է ծրագրեր հետևյալ ոլորտներում.

• Աջակցություն քաղաքական կուսակցություններին
• Քաղաքական կրթություն
• Կրոն և արժեքներ
• Արտաքին և անվտանգության քաղաքականություն (ներառյալ եվրոպական ինտեգրումը և հակամարտությունների վերափոխումը)

Հայաստանում ԿԱՀ-ն իր միջոցառումներով ներկայանում է հիմնականում հետևյալ ոլորտներում.

• Աջակցություն քաղաքական կուսակցություններին
• Օրենքի գերակայություն և լավ կառավարում
• Քաղաքական կրթություն և քաղաքացիական հասարակության խթանում
• Մշակույթը և քաղաքականությանը
• Արտաքին և անվտանգության քաղաքականություն

Բացի այդ, ԿԱՀ-ը Հարավային Կովկասում գործունեություն է ծավալում Եվրամիության Արևելյան գործընկերության (ԱլԳ) շրջանակներում, որի նպատակն է խթանել քաղաքացիական հասարակությունը և աջակցել եվրոպական ինտեգրմանը ԱլԳ բոլոր վեց երկրներում:

Որպես տարածաշրջանային ծրագիր՝ ԿԱՀ-ը իրագործում է նաև տարածաշրջանային ուղղվածություն ունեցող նախագծեր: Նպատակային միջոցները պետք է աջակցեն արտաքին և անվտանգության քաղաքականության երկխոսությանը ողջ տարածաշրջանում քաղաքական և սոցիալական մակարդակով, ամրապնդեն երկկողմ և եռակողմ համագործակցությունը և նպաստեն բոլոր երեք երկրներում մտածողության և գործողությունների տարածաշրջանային ձևաչափին: