Հայ֊գերմանական դիվանագիտական հարաբերությունների 30 տարի - ՏԱՐԱԾԱՇՐՋԱՆԱՅԻՆ ԾՐԱԳԻՐ «ՔԱՂԱՔԱԿԱՆ ԵՐԿԽՈՍՈւԹՅՈւՆ ՀԱՐԱՎԱՅԻՆ ԿՈՎԿԱՍ»
գրքի պրեզենտացիա, ներկայացում
Details
Ընտրված հեղինակները ավելի քան կես տարի գրեցին հոդվածներ, որոնք վերաբերում են հայ֊գերմանական համագործակցությանը իրավական, քաղաքական, սոցիալ֊ տնտեսական, կրթական և մշակութային ոլորտներում։ Մայիսի 12֊13-ին Կոնրադ Ադենաուեր հիմնադրամի և Գերմանա-հայկական ֆորումի կազմակերպած միջոցառման շրջանակներում սույն գիրքը ներկայացվեց լայն հանրությանը։ Միջոցառմանը բացման խոսքով հանդես եկան ՀՀ արտաքին գործերի նախարարի տեղակալ Պարույր Հովհաննիսյանը, Կոնրադ Ադենաուեր հիմնադրամի նախագահի տեղակալ Պրոֆ․ Դր․ Բիթե Նոյսը, Հայ-գերմանական ֆորումի նախագահ, Բունդեսթագի պատգամավոր Թիլ Մանսմանը /տեսաուղերձ/, Հայ-գերմանական ֆորումի փոխնախագահ, պատվավոր դոկտոր (Հայաստանի ճարտարապետա-շինարարական ազգային համալսարան) Ալբերտ Վայլերը և ՀՀ-ում Գերմանիայի դեսպան Ն․ Գ․ Վիկտոր Ռիխտերը։ Կոնրադ Ադենաուեր հիմնադրամի «Քաղաքական երկխոսություն Հարավային Կովկաս» տարածաշրջանային ծրագրի ղեկավար Շտեֆան Մալերիուսը ներկայացրեց զեկույց «Հայաստանը և ԵՄ-ն․ ի՞նչ դեր կարող է ունենալ Գերմանիան» խորագրով։
Մասնակիցների ակտիվությունը և մեդիայի անդրադարձը սույն գրքին և միջոցառմանը ընդգծեց վերջինիս կարևորությունը և նոր թափ հաղորդեց հայ֊գերմանական համագործակցությանն ու հարաբերությունների զարգացմանը։
