Айлчлалыын эхэнд КАС болон МУИС-ийн Улс Төр Судлалын Тэнхимийн санаачлан зохон байгуулж буй Орон Нутгийн Бодлогын Зөвлөлийн мэргэжилтнүүдтэй уулзалт хийж “ХБНГУ-ын нутгийн удирдлагын систем”-ийн талаар илтгэл тавьж хэлэлцүүлэг өрнүүлэн, туршлага санал солилцож нээлттэй ярилцсан бол АН-ын Гадаад харилцаа, хамтын ажиллагааны хэлтсийн удирдлагууд болон Ардчилсан Залуучуудын Холбооны орон нутгийн удирдлагуудтай ХБНГУ-ын Христийн Ардчилсан Холбоо Намын зохион байгуулалтын талаар мэдээлэл хийж хэлэцүүлэв.
Монгол Улсын Их Сургуулийн Улс төр судлалын тэнхим, Конрад-Аденауэр-Сан хамтран Монгол Улсад ардчиллыг бэхжүүлэхэд дэмжлэг үзүүлэх зорилготой “МОНГОЛ УЛС ҮНДСЭН ХУУЛИЙН НЭМЭЛТ, ӨӨРЧЛӨЛТИЙН ӨМНӨ” сэдвээр эрдэм шинжилгээний бага хурал 10 дугаар сарын 24-нд Улаанбаатар хотноо зохион байгуулагдсан бөгөөд уг ЭШБХ-ын хүндэт зочиноор ноён Йонас Урбах уригдан “ХБНГУ-ын парламентэт ёс” сэдвээр илтгэл тавьсан юм.
Ажлын айлчлал хүрээнд ноён Йонас Урбах, КАС-ийн суурин төлөөгч Др. Даниел Шмюкинг болон УТБА-ийн гүйцэтгэх захирал Ж. Адъяасүрэн нарын хамт Сүхбаатар дүүргийн 15-р хорооны үйл ажиллагаа, тус хороонд үйл ажиллагаа явуулдаг 109 дүгээр цэцэрлэгийн үйл ажиллагаатай танилцаж туршлага солилцлоо.
