Улс орнуудын тухай тайлан

ХБНГУ-ын ХАХНамын дэргэдэх Залуучуудын Холбооны Чуулган

Монгол Улсын төлөөлөгчид ХБНГУ-ын Берлин хот болон Шлесвиг-Холлштайн мужид

ХБНГУ-ын ХАХНамын дэргэдэх Залуучуудын Холбооны Чуулганд МУ-ын Ардчилсан Залуучуудын Холбооны гурван төлөөлөл оролцлоо. ХБНГУ-д зохиогдсон тус чуулганд оролцогчид орчин үеийн улс төрийн кампанит ажлын арга хэлбэрүүд болон аливаа намын дэргэдэх залуучуудын байгууллага эх намтайгаа хэрхэн үр дүнтэй хамтран ажиллах боломжтой талаар туршлага солилцов.

ХБНГУ-ын Конрад-Аденауэр-Сангаас тус чуулганы ерөнхий зохион байгуулагч ХБНГУ-ын ХАХНамын дэргэдэх Залуучуудын Холбоотой хамтран чуулганд оролцогч олон улсын төлөөлөгчдөд зориулсан хавсарга хөтөлбөрийг зохион байгуулав. Тус хөтөлбөрт болон ХБНГУ-ын ХАХНамын дэргэдэх Залуучуудын Холбооны Чуулганд МУ-ын төлөөлөл болж Ардчилсан Залуучуудын Холбооны Ерөнхийлөгч С.Эрдэнэболд, Ерөнхий нарийн бичгийн дарга М.Амгаланбаатар болон Бодлогын хорооны дарга Х.Номингэрэл нар оролцлоо. Хөтөлбөрийн хүрээнд ХБНГУ-ын Бундестагийн Ерөнхийлөгч Волфганг Шойбле, ХБНГУ-ын Шлесвиг-Холлштайн мужийн Ерөнхий сайд Даниел Гюнтер нартай хөтөлбөрт оролцогчид уулзаж, улс төрийн хэлэлцүүлэг өрнүүлсэн төдийгүй, ХБНГУ-ын Кийл хотноо байрлах Холбооны Усан цэргийн баазтай танилцсан байна.

ХБНГУ-ын ХАХНамын дэргэдэх Залуучуудын Холбооны энэ жилийн чуулган "Герман улс 2030: Тогтвортой чиглэл ба тодорхой зохицуулалт" сэдвийн хүрээнд зохион байгуулагдсан ба чуулганыг ХБНГУ-ын Бундестагийн гишүүн бөгөөд тус холбооны тэргүүн Паул Циймиак нээж үг хэлэв. Түүнчлэн чуулганд ХБНГУ-ын Канцлер Др. Ангела Меркел болон ХБНГУ-ын Эрүүл мэндийн сайд Енс Шпаан нар оролцож илтгэл сонордуулжээ.

эзлэх хувь

ХБНГУ-ын ХАХНамын дэргэдэх Залуучуудын Холбооны чуулганд Монгол Улсаас оролцогчид тус холбооны тэргүүн, ХБНГУ-ын Бундестагийн гишүүн Паул Циймиакийн хамт