Details

Fondi i Sigurimit të Detyrueshëm të Kujdesit Shëndetësor, pas një procesi gjithëpërfshirës, ka arritur të kostifikojë dhe përgatisë 10 paketat e para të shërbimeve shëndetësore, të cilat do të ofrohen pa pagesë si në spitalet publike ashtu edhe në ato private që plotësojnë kriteret. Tashmë janë shpallur kriteret për strukturat që do të mund të kontraktojnë me Fondin dhe ndodhemi në fazën finale që këto paketa të bëhen të prekshme për pacientët.

Faza aktuale është ajo më e rëndësishmja, pasi synohet të kuptohet qartësisht në terren mënyra e përfitimit të këtyre paketave. Për këtë arsye mendohet të organizohen dy takime në rrethe ku tashmë ofrohet njëra prej paketave, siç është shërbimi i dializës.

Paketat shëndetësore prezantohen si një sfidë e re në kuadër të politikave sociale për shëndetin në Shqipëri.