Studien- und Informationsprogramm

Vizitë studimore në burgun e Spaçit në Rrëshen

Vizitë studimore në burgun e Spacit - Bazat për të kuptuar më mirë regjimin komunist në Shqipëri

Details

Partneri ynë IDMC Tirana organizoi më datë 18 Shkurt 2016 një vizitë studimore në burgun e Spacit. Qëllimi i kësaj vizite ishte t'u jepte studentëve bazat për të kuptuar më mirë regjimin komunist në Shqipëri dhe t'i asistonte ata veçanërisht në të mësuarit për burgun e Spaçit, kampet e punës dhe burgjet politike gjatë komunizmit, më shumë se çfarë është ofruar në media dhe në librat e historisë. Në veçanti, për të kuptuar më mirë se çfarë ka ndodhur në burgun e Spaçit, studentët u udhëhoqën nga një guidë profesioniste: historiania, Dr. Enriketa Papa, dhe nga ish i burgosuri politik, z. Agim Hakcani. Ai i njohu të pranishmit me përvojën e tij personale, duke qenë se ka kaluar 14vjet të jetës së tij në këtë burg.

Pasi vizituan të gjitha ambientet e mbetura nga ish burgu i Spaçit, aktiviteti u mbyll me një bashkëbisedim joformal, ku studentët reflektuan rreth rëndësisë së përkujtimeve të tilla historike në procesin e tyre të edukimit.

Zum Kalender hinzufügen

Veranstaltungsort

Spac

Bereitgestellt von

Auslandsbüro Albanien