Asset Publisher

ქვეყნის ამბები

ადგილობრივი არჩევნები საქართველოში: მმართველი პარტია კვლავ იმარჯვებს

2010 წლის 30 მაისს თბილისის მერისა და მთელი ქვეყნის მასშტაბით ადგილობრივი თვითმმართველობის არჩევნები ჩატარდა. ოფიციალური მონაცემებით, მერის არჩევნებში ხმების 55,23%-ით გიგი უგულავამ (ნაციონალური მოძრაობა) გაიმარჯვა. პრეზიდენტ სააკაშვილის პარტია "ნაციონალური მოძრაობა" მთელი ქვეყნის მასშტაბით კვლავ რჩება მმართველ ძალად.

Asset Publisher

ადგილობრივი თვითმმართველობის არჩევნები: მმართველი პარტია კვლავ იმარჯვებს

საბოლოო ოფიციალური მონაცემებით თბილისის მერის არჩევნებშიხმების 55,23 %-ით ყოფილმა მერმა, გიგი უგულავამ (ნაციონალური მოძრაობა) გაიმარჯვა. "ალისნსი საქართველოსთვის" ლიდერის, ირაკლი ალასანიას გამარჯვებას ბევრი ელოდა, თუმცა მან ხმების მხოლოდ 19,05-%-ი მიიღო. ქრისტიან-დემოკრატების კანდიდატმა გია ჭანტურიამ - 10,74-%-ი, ზვიად ძიძიგურმა („ეროვნული საბჭო“) - 8,31% და გიორგი თოფაძემ („მრეწველები“) - 5,19%. ამომრჩეველთა აქტიურობა შეადგენდა 49%-ს.

ქვეყნის მასშტაბით 64 საკრებულოს არჩევნების შედეგები რამდენიმე დღეში გამოქვეყნდება. თუმცა ხმების წინასწარი დათვლების შედეგების მიხედვით, მმართველმა პარტიამ, "ნაციონალური მოძრაობამ" გაიმარჯვება.

საამომრჩევლო კანონი და სისტემა

არჩევნების ჩატარებამდე საამომრჩევლო კანონში ცვლილებები შევიდა, რის მიხედვითაც მერი პირველად უნდა არჩეულიყო პირდაპირი წესით და კანდიდატს გამარჯვებისათვის ხმების 30 %-ი უნდა მოეგროვებინა. ზოგიერთი ადგილობრივი არასამთავრობო ორგანიზაცა და ოპოზიციის ნაწილი აკრიტიკებს 30 %-იანი ბარიერის არსებობას, რადგანაც არჩევნების მეორე ტური, ამის გამო, საკმაოდ არარეალური ხდება. განმეორებითი არჩევნების შემთხვევაში, ოპოზიციას კარგი შანსები ქონდა თბილისი მერობის არჩევნებში გამარჯვებისათვის: ერთიანი ოპოზიციური კანდიდატი დაუპირისპირდებოდა სამთავრობო კანდიდატს, რითაც ოპოზიციური საარჩევნო პოტენციალი გაერთიანდებოდა.

30 %-იანი ბარიერი ოპოზიციისათვის, ერთის მხრივ, გააადვილებდა საქმეს, იმ შემთხვევაში, თუკი მერის არჩევნების წინ ისინი ერთიან ოპოზიციურ კანდიდატზე შეთანხმდებოდნენ. ეს კი ყოფილ მერს გაუძნელებდა გამარჯვებას. ამგვარად, ოპოზიციამ ხელიდან გაუშვა შანსი, სულ მცირე, თბილისში მაინც შეეცვალა სამთავრობო პარტია ერთ-ერთ გავლენიან, თბილისის მერის თანამდებობაზე.

თბილისის საკრებულოში მანდატების განაწილება ორი ფორმით ხდება. მაჟორიტარული წესით (25 ადგილი) და პროპორციული წესით (25 ადგილი). მაჟორიტარული წესით გამარჯვებულათ ითვლება ის კანდიდატი, რომელიც ხმათა უმრავლესობას მიიღებს შესაბამის ოლქში. მსგავსად 2008 წლის საპარლამენტო არჩევნებისა, 2010 წლის თვითმმართველობის არჩევნებზეც ოპოზიციას ერთსა და იმავე საარჩევნო ოლქებზე რამოდენიმე კანდიდატი ჰყავდა. ოპოზიციის ინტერესები გაიყო, რითაც მმართველ პარტიას გაუადვილდა მანდატების უმეტესი რაოდენობის მიღება.

არჩევნების პროცესი

მაშინ, როდესაც არასაპარლამენტო ოპოზიცია საარჩევნო კამპანიას მხოლოდ თბილისში ეწეოდა, მმართველი პარტია „ნაციონალური მოძრაობა“, ოპოზიციური პარტიები „ქრისტიან-დემოკრატები“ და „ალიანსი საქართველოსთვის“ საქართველოს რეგიონებშიც აქტიურობდნენ. არჩევნებამდე ერთი კვირით ადრე არასაპარლამეტო ოპოზიციის ზოგიერთ წევრთან დაკავშირებით ისე შთაბეჭდილება შეიქმნა, თითქოს ისინი ფორამალურ საარჩევნო კამპანიას ეწეოდნენ.

OSCE-სა და ODIHR-ის შუალედური მოხსენების მიხედვით, როგორც მმართველი პოლიტიკოსები ასევე ოპოზიციონრები იყენებდნენ თავიანთ კონტაქტებს მედიასთან , რათა გავნელა მოეხდინათ გადაცემების შინაარსზე. ცნობილმა ცენტრმა „Caucasus Research Ressource Centre“ (CRRC) მედიამონიტორინგის დროს დაადგინა, რომ ქვეყნის მასშტაბით მაუწყებელ ტელევიზიებში პოლიტიკური რეკლამების დროს ტონი ალასანიასა და უგულავას მიმართ ნეიტრალური იყო, ხოლო რეგიონულ ტელევიზიებში აშკარად შეინიშნებოდა პოზიტიური განწყობა მმართველი პარტიის მიმართ.

საბოლოო ჯამში თვითმმართველობის არჩევნემა წყნარ გარემოში ჩაიარა. მიუხედავად იმისა რომ საქართველოს პოლიტიკური ლანდშაფტი ძალიან პოლარიზებულია, საარჩევნო კამპანიის დროს ყურადღება კამპანიას ექცეოდა და არა ინციდენტების მოწყობას, როგორც ეს 2008 წელს საპრეზიდენტო და საპარლამეტო არჩევნებიბისას ხდებოდა.

ადგილობრივი თვითმმართველობის არჩევნები პოლიტიკურად დიდი მნიშვნელობის არაა როგორც, მაგალითად, საპრეზიდენტო და საპარლამენტო, მაგრამ ეს არჩევნები მნიშვნელოვანი ნაბიჯია მთავრობისათვის მომდენვნო არჩევნებისთვის. ზოგიერთ საკრებულოში წინაპლანზე ადგილობრივი თემები იყო წამოწეული, რაც ყურადღებამისაქცევია საქართველოში ძლიერი, დემოკრატიული პოლიტიკური კულტურის განვთარებისათვის.

მძიმე მდგომარეობაა კვლავ საარჩევნო უბნის თავმჯდომარეების მუშაობის, მათი ცოდნი დონისა და ასევე, საარჩევნო სიების მართვის სფეროებში. განსაკუთრებით შეშფოთების საფუძველს იძლევა ოპოზიციის წარმომადგენლების მიმართ მუქარა და დაშინება, სამთავრობო რესურსების გამოყენება საარჩევნო კამპანიისთვის და მთავრობის მხრიდან ამომრჩევლების „მოტივირება“.

თბილისის მერმა არჩევნებამდე რამდენიმე თვით ადრე წინასაარჩევნო კამპანიისას შეითავსა სხვადასხვა პროფესია: მშენებლის,ეწეოდა საქველმოქმედო საქმიანობას და ა.შ, რითაც მოსახლეობაში მოწონება დაიმსახურა. არსებობს უამრავი მტკიცებულება, რომ მმართველი პარტიის წევრები, ზოგი დაშინებით და ზოგიც მეგობრობის, ნათესაობის ხათრით აიძულეს, თავიანთი ნაცნობები, ნათესავები როგორმე მიეყვანათ საარჩევნო ყუთებამდე შესაბამისი გადაწყვეტილებით. ამას ემატება უამრავი დამტკიცებული ფაქტი, განსაკუთრებით რეგიონებში, სადაც ოპოზიციურ კანდიდატებს სამთავრობო პარტიის წევების და ასევე სამართალდამცავების მხრიდან ნაწილობრივ მუქარის ქვეშ უწევდათ მუშაობა.

კრიტიკული ადგილობრივი არასამთავრობო ირგანიზაციის შეფასებით საქართველოს სამთავრობო სპეციალური ჯგუფი მაშინვე რეაგირებდა მითითებული დარღვევებზე, მაგრამ ხშირ შემთხვევაში არა საკუთარი ინიციატივით.

საარჩევნო კამპანიის ყველა დამკვირვებელმა აღნიშნა, რომ კანონის დარღვევების რიცხვი უფრო ნაკლები იყო, ვიდრე საპარლამეტო და საპრეზიდენტო არჩევნებისას. აშკარად რაც დაფიქსირდა, საქართველოს ცენტრალურ პრობლემების: მმართველი პარტიისა და ადმინისტრაციის ახლო კავშირსა და სუსტი დემოკრატიული კულტურის ნიშანია.

Asset Publisher

Kontakt

თომას შრაპელ

Dr

რეგიონული პროგრამის „სამხრეთ კავკასიის პოლიტიკური დიალოგი“ დირექტორი

thomas.schrapel@kas.de +995 32 2 459112
+995 32 2 459113

comment-portlet

Asset Publisher

Über diese Reihe

კონრად ადენაუერის ფონს აქვს თავისი ბიურო და წარმომადგენლობა ხუთი კონტინენტის 70 ქვეყანაში. ადგილობრივი თანამშრომლები მოგაწვდითინფორმაციას აქტუალურ მოვლებეზე და თქვენთვის სასურველ ქვეყანაზე.E"ქვეყნების შესახებ ინფორმაციის მისაღებად" მოსარგებლეს გთავაზობთ კონრად ადენაუერის ფონდის ვებ გვერდზე ექსკლუზიურ ანალიზს, შემდგომი გეგმების შესახებ ინფორმაციებს და შეფასებებს.

Bestellinformationen

erscheinungsort

Sankt Augustin Deutschland

Asset Publisher