სახელოსნო
Details
„Our Picture of europe" - სწორედ ამ დევიზით იყო ორგანიზებული და მოწვეული კონრად ადენაუერის ფონდის მიერ რიგით მეოთხე, სამხრეთ კავკასიის ახალგაზრდული პარლამენტი.
შეხვედრაზე მოწვეულმა სტუმრებმა განიხილეს შემდეგი საკითხები: ევროპული ფასეულობები და იდეები; ევროპული პოლიტიკა და ინსტიტუტები.
ახალგაზრდებმა, რომლებმაც ერთმანეთში გაცვალეს თავიანთი ევროპული ხედვები, ისაუბრეს ასევე თავიანთი ქვეყნების ევროკავშირთან დაახლოების პერსპეკტივებზეც.
ამასთან დაკავშირებით, „CIVIC - Institut für Internationale Bildung“ -თან ერთად მოეწყო სიმულაციური თამაში, რომელშიც მონაწილეებმა ევროპის ცნობილი პოლიტიკოსებისა და ექსპერტების როლები მოირგეს. დისკუსიის ფარგლებში, მათ განიხილეს დადებითი და უარყოფითი მხარეები სერბეთის, მაკედონიის, ალბანეთისა და თურქეთის ევროკავშირში შესაძლო გაწევრიანებასთან დაკავშირებით. საბჭოს, კომისიისა და პარლამენტის საბოლოო გადაწყვეტილების თანახმად, ოთხიდან სამ ქვეყანას ევროკავშირში გაწევრიანების კანდიდატის სტატუსი მიენიჭა.
ამ პროექტის მიზანი იყო ევროკავშირის ფუნქციონირების შესახებ ცოდნის გაღრმავება, გარკვეულ ქვეყნებს შორის ერთმანეთის მიმართ არსებული წინასწარ შექმნილი ნეგატიური აზრისა და ურთიერთდაპირისპირებული ქვეყნების წარმომადგენლებს შორის არსებული დაძაბული ურთიერთობების განმუხტვა.
Partner
