Details

2 დეკემბრიდან 8 დეკემბრის ჩათვლით, საქართველოსა და თურქეთში, ვიზიტით იმყოფებოდა დოქტორ გერჰარდ ვალერსი, კონრად ადენაუერის ფონდის გენერალური მდივნის მოადგილე და ფონდის ევროპული და საერთაშორისო თანამშრომლობის დეპარტამენტის ხელმძღვანელი. იგი გაეცნო რეგიონში  არსებულ ვითარებას. საქართველოში, პროგრამის ფარგლებში, დაგეგემილი იყო ვიზიტი წეროვანის დასახლებაში, სადაც ბატონი ვალერსი 2008 წლის რუსეთ-საქართველოს ომის შემდეგ, ცხინვალიდან იძულებით გადაადგილებული პირების საცხოვრებელი ადგილები მოინახულა. ადგილობრივ არასამთავრობო ორგანიზაციასთან შეხვედრისას, ბატონი ვალერსი გაეცნო, როგორც რუსეთ-საქართველოს კონფლიქტის უახლეს ისტორიას, ასევე ადგილობრივი მოსახლეობის ყოველდღიურ ცხოვრებას. დამოუკიდებელი მედიის, ანალიტიკური ცენტრებისა და საქართველოში კონრად ადენაუერის ფონდის პარტნიორი ორგანიზაციების წარმომადგენლებთან გამართულ შეხვედრებზე, ბატონმა გერჰარდ ვალრესმა განიხილა საქართველოს საშინაო და საგარეო პოლიტიკური გამოწვევები და ისაუბრა საქართველოს ევროკავშირში ინტეგრაციის პროცესის განვითარებაზე. თბილისში, პროგრამის ფარგლებში, ასევე გაიმართა მაღალი დონის პოლიტიკური შეხვედრები, მათ შორის, ოპოზიციური პარტიის ნაციონალური მოძრაობის შტაბ-ბინაში, საქართველოს პარლამენტში, საქართველოს ყოფილ პრემიერ-მინისტრთან, ბატონ გიორგი გახარიასთან და საქართველოში გერმანიის ელჩთან ერთად.