"ევროპული კლუბები" პირველად,  პორტუგალიაში შემოიღეს და მომდევნო წლებში, ევროპის სხვადასხვა ქვეყნებში, როგორებიცაა პოლონეთი, ლიტვა და ლატვია წარმატებით გავრცელდა.  "ევროპული კლუბების" მიზანია მოამზადოს მოქალაქეები და ახალგაზრდა თაობები ევროკავშირში გაწევრიანებისთვის, გაეცნონ ევროპულ ღირებულებებს.

4 ივლისს გამართულ სემინარზე, მონაწილეები, "ევროპული კლუბების"  ფარგლებში ჩატარებულ სხვადასხვა ღონისძიებებში იღებდნენ მონაწილეობას, სადაც მათ საშუალება მიეცათ  ისეთ კითხვებზე გაეცათ პასუხები, როგორიცაა: "რას ნიშნავს საქართველოსთვის, იყოს ევროპული ქვეყანა?", "რას ვგულისხმობთ ევროპულ ფასეულობებში?" და "რატომ უნდა იყოს საქართველო ევროპის ნაწილი?"
 

"ევროპული კლუბები" ოფიციალურად ახალ სასწავლო წელს 2019 წლის სექტემბერში იწყებს. მანამდე ჩატარდება რიგი სემინარები და ტრენინგები სტუდენტებისა და მასწავლებლების მოსამზადებლად.