ღონისძიებები

აღმოსავლეთის პარტნიორობის პირველი შედეგები სამხრეთ კავკასიაში

სამხრეთ კავკასიისოსაფრთხოების მესამე ფორუმი, 2.-3.12.2010

მოხდა თუ არა აღმოსავლეთის პარტნიორობის ფარგლებში აზერბაიჯანი დაახლოება ევროკავშირთან? ამ კითხვაზე პასუხის გაცემას ცდილობდა ფორუმის ორგანიზატორი ადენაუერის სახელობის ფონდი (KAS) თავის პარტნიორებთან და ორასამდე მონაწილესთან ერთად ამა წლის 2-3 დეკემბერს ჩატარებულ უსაფრთხოების კონფერენციაზე.

დაახლოებით ერთ წლიწადზე ცოტა მეტი ხნის წინ, 2009 წლის 7 მაისს, პრაღაში გაიმართა აღმოსავლეთის პარტნიორობის. შეხვედრისას გამოიკვეთა მიზანი: აღმოსავლეთის სამეზობლო ქვეყნების, მათ შორის საქართველოს, სომხეთისა და აზერბაიჯანის დაახლოება ევროკავშირთან. განხორციელდა თუ არა ეს მიზანი?

„აზერბაიჯანი არის მნიშვნელოვანი პარტნიორი ევროკავშირისათვის!“ ამ სიტყვებით დაიწყო აზერბაიჯანის პრეზიდენტის (SAM) სტრატეგიული კვლევების ცენტრის წევრმა დოქტორმა ნურიევმა თავისი გამოსვლა 2 დეკემბერს კონფერენციაზე. იენს პაულუსმა, რომელიც ხელმძღვანელობს ევროპისა და აშშ-ს განყოფილებებს კონრად ადენაუერის სახელობის ფონდში, დაადასტურა დოქტორ ნურიევის ნათქვამი: "სამხრეთ კავკასიის გადაუჭრელი კონფლიქტები ხელს უშლის თანამშრომლობას აღმოსავლეთის პარტნიორობის ფარგლებში, რამაც შესაძლოა კონფლიქტების მშვიდობიან გადაჭრაში მნიშვნელოვანი როლი შეასრულოს. ევროკავშირმა აქტიურად უნდა ითანამშრომლოს სამხრეთ კავკასიის ქვეყნებთან.“ გერმანელმა და პოლონელმა ელჩებმა თავიანთ გამოსვლებში განსაკუთრებით გაუსვევს ხაზი იმ შანსებს, რომლებიც სამხრეთ კავკასიის ქვეყნებს უფრო დააახლოებს ევროკოვშირთან, ხელს შეუწყობს დემოკრატიული პროცესებისა და აუცილებელი რეფორმების განხორციელებას.

სომხური ხედვა კონფერენციაზე

KAS-მა და SAM-მა შეძლეს და წლების შემდეგ აზერბაიჯანში საჯარო კონფერენციაზე დაპატიჟეს სომეხი სტუმარი. დოქტორ სტეფან გრიგორიანის გამოსვლას დარბაზში ორასამდე სტუმარი უსმენდა. გრიგორიანმა ყურადღება გაამახვილა იმაზე, რომ სამოქალაქო საზოგადოებასა და სომხეთის მთავრობას შორის გაღრმავდა კონტაქტები თურქულ-სომხური პრობლემის გადაჭრისათვის და დადებითადაც აისახა პროცეზე. მან გამოთქვა ინიციატივა, ასევე სომხურ-აზერბაიჯანული კონფლიქტის გადასაჭრელადაც გააქტიურდეს სამოქალაქო საზოგადოება.

განხორციელებადი აღმოსავლეთის პარტნიორობა

2010 წლის 3 დეკემბერს აზერბაიჯანისა და ევროკავშირის პარტნიორობის ფარგლებში გაშუქდა მედიისა და სამოქალაქო საზოგადოების მდგომარეობა. ადენაუერის სახელობის ფონდის სამხრეთ კავკასიის წარმომადგენლობის ხელმძღვანელმა კატია ქრისტინა პლატემ თავის სიტყვაში მკაფიოდ გამოთქვა: „მართალია აზერბაიჯანი დიდი რაოდენობით ნავთობს ფლობს, მაგრამ მისი ნამდვილი სიმდიდრე მაინც მოსახლეობის აქტიურობაა. მთავრობამ უნდა იამაყოს თავისი მოსახლეობის აქტიური მონაწილეობით პროცესებში“. ხოლო ქართველმა და აზერბაიჯანელმა სტუდენტებმა შეიმუშავეს ერთობლივი გეგმა რეგიონში თანამშრომლობისათვის და წინადადებები ევროკავშირისათვის. განსაკუთრებით გაშუქდა მედიის როლი სომხურ-აზერბაიჯანული კონფლიქტის გადაჭრის საკითხებში.

კონრად ადენაუერის სახელობის ფონდი 2011 წელს "ევროპული ინტეგრაციის" კუთხით იმუშავებს. ინფორმაციას ჩვენს სამომავლო ღონისძიებებსა და პუბლიკაციებზე მიიღებთ ჩვენს საიტზე: www.kas.de/kaukasus.