Энэ номонд Зөвлөлт Холбоот Улсын цэргийн эрхтнүүд болон тагнуулын ажилтнууд оюунлаг, боловсролтой монголын иргэдийг Панмонголизм байгуулах гэсэн хуурамч хэргийн учир Зөвлөлт Холбоот Улс руу цөлж, тэнд цаазалж байсан талаар өгүүлнэ. Зохиогчийн судалсан Монголын Тагнуулын Ерөнхий Газрын тусгай архивын болон Зөвлөлтийн Улсын Аюулаас Хамгаалах Байгууллагын материалууд нь энэ цаг үед дур зоргоороо иргэдийг цагдан хорьж, эрүүдэн шүүж, цаазаар авч байсныг гэрчлэх аж.