Einzeltitel

НОГООН ХӨГЖИЛ

Байгал дэлхийгээ хайрлан хамгаалж, алсын хараатай амьдарцгаая

Технологийн асар хурдацтай хөгжлийн үе шаттай хөл нийлүүлэн алхаж буй Монгол улсын нийт ард иргэдийнхээ “Ногоон хөгжил”-н талаархи ойлголтыг нэмэгдүүлэх, тэдэнд эцэг өвгөдөөс өвлөгдөж ирсэн үзэсгэлэнт сайхан байгал орчноо хэрхэн хайрлан хамгаалж, тогтвортой хөгжилд хувь нэмрээ оруулах боломжтой талаар зөвлөх үүднээс энэхүү хэвлэмэлийг нийтэлсэн болно.

2014 онд Монгол улсын 2030 он хүртэлх тогтвортой хөгжлийн суурь баримт бичиг болох Ногоон хөгжлийн бодлогыг УИХ-аас баталлаа. Ногоон хөгжлийн бодлогын үндсэн зорилго нь эдийн засгийн өсөлтийг бий болгохдоо байгал орчны доройтол, бохирдлоос сэргийлж, экосистемийн тэнцвэрт байдлыг хадгалан, хүн амын амьдралын чанарыг сайжруулж, нийгмийн тэгш байдлыг хангахад оршиж байна.