Ոսումնառության և երկխոսության ծրագիր Հարավային Կովկասի կուսակցական և երիտասարդ լիդերների համար
Միջոցառման մասին զեկույցներ
Թիմային այցն իրականացվեց ԿԱՀ-ի գիտաշխատող Ֆլորիան Ֆեյերաբենդի գլխավորությամբ՝ հիմնադրամի «Հարավկովկասյան քաղաքական երկխոսություն» տարածաշրջանային ծրագրի շրջանակներում:
Երիտասարդ լիդերների քաղաքական ներգրավվածությանը նպաստելը ԿԱՀ-ի «Հարավկովկասյան քաղաքական երկխոսություն» տարածաշրջանային ծրագրի իրականացման առաջնային քայլերից մեկն է: Արդեն մի քանի տարի է հիմնադրամը եռաստիճան սեմինարների շրջանակներում կրթական ծրագրեր է իրականացնում Հայաստանի, Ադրբեջանի և Վրաստանի քաղաքական կուսակցությունների երիտասարդ լիդերների համար: Ամառային և ձմեռային դպրոցներում մասնակիցները ձեռք են բերում տեսական և գործնական գիտելիքներ այնպիսի թեմաների շուրջ, ինչպիսիք են կազմակերպությունները, կուսակցությունների գործառույթներն ու գործունեության նպատակները, ինչպես նաև ներկուսակցական ժողովրդավարությունը: Բացի այդ մասնակիցները ձեռք են բերում հմտություններ ռազմավարական քաղաքական հաղորդակցման և քաղաքական նախագծերի կազմման շրջանակներում:
Ամեն տարի Բեռլին կատարած ուսումնառության և երկխոսության այցը ամփոփում է վերոնշյալ ծրագիրը:
Այցելությունը նպատակ ունի նաև ամառային և ձմեռային դպրոցի ավարտականներին գործնականում ծանոթացնելու Գերմանիայի քաղաքական համակարգին և գերմանական կուսակցությունների գործունեությանը: Այդ իսկ պատճառով այն մասնակիցներին տալիս է հնարավորություն բանակցել գերմանական քաղաքական երիտասարդ կազմակերպությունների ներկայացուցիչների հետ, ինչն իր հերթին կարող է նպաստել կուսակցական և երիտասարդ լիդերների միջև կապի ամրապնդմանը:
Այցի շրջանակներում մասնակիցների խումբն ընդգրկում է, ընդհանուր առմամբ, 15 երիտասարդ լիդեր 3 երկրներից և 4 տարբեր կուսակցություններից (Հայաստանի հանրապետական կուսակցություն, Օրինաց երկիր կուսակցություն, Ադրբեջանի ժողովրդավարական բարեփոխումների կուսակցություն, Վրաստանի միավորված ազգային շարժում): Մասնակիցները ԿԱՀ-ի կողմից կազմակերպված սեմինարների ավարտականներն են, որոնք էլ իրենց հերթին պետք է նպաստեն եկող սերնդի քաղաքական զարգացմանը:
Այս շարքի մասին
«Քոնրադ Ադենաուեր» հիմնադրամը, նրա կրթական մեխանիզմները, կրթական կենտրոնները և արտասահմանյան գրասենյակները տարեկան առաջարկում են տարբեր փոփոխվող թեմաների շուրջ հազարավոր միջոցառումներ: Ընտրված կոնֆերանսների, իրադարձությունների, սիմպոզիումների և այլնի վերաբերյալ մենք հաղորդում ենք հրատապ և հատուկ Ձեզ համար www.kas.de կայքով:Այստեղ Դուք կգտնեք ամփոփիչ բովանդակության կողքին նաև լրացուցիչ նյութեր , ինչպիսին են նկարներ, ելույթների տեքստեր, տեսաֆիլմեր կամ ձայնագրություններ: