Ճանապարհ դեպի խաղաղության մշակույթ
Միջոցառման մասին զեկույցներ
Ճանապարհ դեպի խաղաղության մշակույթ
Ճգնաժամի կանխարգելման, հակամարտությունների մշակման և լուծման համար քաղաքական երկխոսությունը Կոնրադ Ադենաուեր Հիմնադրամի առաջնային գործիքն է: Կառուցողական քաղաքական երկխոսությունը ենթադրում է համապատասխան քաղաքական մշակույթ: Հարավային Կովկասում քաղաքական մշակույթն, այնուամենայնիվ, դրոշմված է մտածելա-և գործելակերպերում, որոնք դժվարացնում են հասարակական և տարածաշրջանային հակամարտությունների խաղաղ, թափանցիկ, իրավական պետության սկզբունքներին հետևող լուծումը: Անհրաժեշտ է աշխատանքային մի նոր գործելաոճ. ԿԱՀ-ի <Քաղաքական Երկխոսություն Հարավային Կովկաս> Տարածաշրջանային Ծրագիրը արժեքային և կրոնական երկխոսության հարցերով զեկուցողուհի (ԿԱՀ) Տիկին Դր. Անգելիկա Քլայնի հետ համատեղ և Հիլդեսհայմի Եպիսկոպոս Դր. Յոզեֆ Հոմեյերի խորհրդատվությամբ մշակում է <Խաղաղության Մշակույթի> հայեցակարգը:
<Խաղաղության Մշակույթ>-ը ենթադրում է, որ հակամարտությունները պետությունների մեջ և պետությունների միջև կլուծվեն բացառապես խաղաղ միջոցներով: <Խաղաղության Մշակույթ>-ն այն դեպքում է համարվում հաստատված, երբ համապատասխան հակամարտության խաղաղ լուծման համար անհրաժեշտ արժեքային պատկերացումները, դիրքորոշումները, ավանդույթները, գործելա -և կենսակերպերը խորն արմատացել են հասարակության մեջ:
Հարավային Կովկասում շատ մարդիկ ուղղակի միայն ի գիտություն են ընդունում այն հասարակությունը, որում իրենք ապրում են: Բացասական զարգացումների դեմ գանգատներ են հնչում, սակայն մեծամասնությունն էլ համակերպվում է` մտածելով <Ես ի˚նչ կարող եմ փոխել>: ԿԱՀ-ը ելնում է այն հանգամանքից, որ շատ մարդիկ իրենց իսկ վարմունքով օգնում են համատեղ կյանքի խաղաղ կազմակերպմանը: Եվ եթե խոսքը դրան է վերաբերում, յուրաքանչյուր մարդ հարցվում է` իրականացնելու <Խաղաղության մշակույթ>: Քանի որ Հարավային Կովկասում եկեղեցիներն ու կրոնական համայնքներն են, որ հասարակությանը համախմբելու հզոր ներուժ ունեն, և բացի դրանից պարզորոշ կերպով են արտահայտվում բոլոր հակամարտությունների խաղաղ կարգավորման մասին, այդ պատճառով ԿԱՀ-ը համագործակցում է եկեղեցիների ու կրոնական համայնքների հետ` ի կատար ածելու <Խաղաղության մշակույթը> Հարավային Կովկասում:
ԿԱՀ-ը սեմինարների շրջանակներում նախ և առաջ պարզում է, թե որ հատուկ վարվելակերպերը, մշակութային առանձնահատկություններն ու պատմական փորձն են երեք հարավկովկասյան պետություններից յուրաքանչյուրում` նայած հանգամանքներին խաղաղությանն օժանդակող, և որոնք` ավելի շուտ խաղաղությունը վտանգող: Խաղաղությանն օժանդակող վարվելակերպերը պետք է անմիջապես բարձրացվեն և դրական կերպով ուժեղացվեն բնակչության գիտակցության մեջ: Խաղաղությունը վտանգող վարվելակերպերը պետք է հնարավորինս կրճատվեն:
2009թ. ապրիլի 27-ից մայիսի 5-ը Հիլդեսհայմի Եպիսկոպոս Դր Յոզեֆ Հոմեյերը և Բեռլինում ԿԱՀ-ի արժեքային ու կրոնական գծով զեկուցողուհի Տիկին Անգելիկա Քլայնը այցելեցին Վրաստան և Հայաստան: Եկեղեցիների ու կրոնական համայնքների ներկայացուցիչների հետ մի շարք զրույցների շրջանակներում քննարկվեցին <Խաղաղության մշակույթի> հետագա քայլերը: Սեմինարը միջնորդեց մարտահրավերների մի պարզ պատկեր, որոնք պետք է հաղթահարվեն:
Այս շարքի մասին
«Քոնրադ Ադենաուեր» հիմնադրամը, նրա կրթական մեխանիզմները, կրթական կենտրոնները և արտասահմանյան գրասենյակները տարեկան առաջարկում են տարբեր փոփոխվող թեմաների շուրջ հազարավոր միջոցառումներ: Ընտրված կոնֆերանսների, իրադարձությունների, սիմպոզիումների և այլնի վերաբերյալ մենք հաղորդում ենք հրատապ և հատուկ Ձեզ համար www.kas.de կայքով:Այստեղ Դուք կգտնեք ամփոփիչ բովանդակության կողքին նաև լրացուցիչ նյութեր , ինչպիսին են նկարներ, ելույթների տեքստեր, տեսաֆիլմեր կամ ձայնագրություններ: