ფორუმი
Details
31 მაისიდან 1 ივნისის ჩათვლით ჩატარდა პირველი სამხრეთ კავკასიელ ქალთა ფორუმი. პარლამენტის და არასამათავრობა ორგანიზაციის წარმომადგენელმა ქალბატონებმა იმსჯელეს ისეთ თემებზე, როგორიცაა რეგიონალური პრობლემები პოსტსაბჭოთა სივრცეში, რელიგიური ასპექტები, კარიერა და ოჯახი, ქალთა როლი კონფლიქტების მოგვარების სფეროში. გარდა ამის ფორუმის ფარგლებში განხილულ იქნა ქალთა პოლიტიკურ, კულტურულ და სოციალურ ცხოვრებაში ინტეგრაციის საკითხები.
გერმანიის ქალთა საბჭოს ხელმძღვანელმა - ჰანელორე ბულსმა და გერმანიის ქრისტიან დემოკრატიული პარტიის ქალთა კავშირის წარმომადგენელმა - დანიელა ბირკენფელდმა გააკეთეს საინტერესო მოხსენებები საკუთარი საქმიანობის შესახებ და გაუზიარეს თანამონაწილეებს მათი მრავალწლიანი გამოცდილება. ქალბატონებს მიეცათ საშუალება დოქტორ პამელა ლუკაუს - ეფექტური კომუნიკაციის ტრენერის დახმარებით გაეღმავებინათ ცოდნა კომუნიკაციის, დროის მართვის და ორგანიზაციული საკითხების სფეროში. გარდა ამისა ტრენინგის ძირითად მიმართულებებს წარმოადგენდა წარმატებული კავშირების შექმნისთვის აუცილებელი უნარ-ჩვევების ჩამოყალიბება და სამომავლოდ მისი პრაქტიკული გამოყენება.
მონაწილეთა განსაკუთრებული ინტერესი გამოიწვია გერმანიის ქალთა საბჭოს და ქალთა კავშირის წარმომადგენლების მიერ მოყვანილმა კონკრეტულმა მაგალითებმა. ფორუმის დასასრულს შემუშავდა ახალი იდეები სამომავლო თანამშრომლობისთვის.