მოვლენები
Details
განათლებისა და მეცნიერების მინისტრის მოადგილემ ლია გიგაურმა და კონრად ადენაუერის ფონდის წარმომადგენლობის რეგიონალურმა დირექტორმა ჯანან ათილგანმა ხელი მოაწერეს ურთიერთშეთანხმების მემორანდუმს, რომლის მიზანია ხელი შეუწყოს სამოქალაქო განათლების სწავლების ხარისხის ამაღლებას საქართველოს საჯარო სკოლებში.
მემორანდუმის საფუძველზე, სამოქალაქო განათლების ხელშეწყობის პროექტის ფარგლებში, მხარეებს შორის თანამშრომლობა კიდევ უფრო გაღრმავდება.
მემორანდუმი ითვალისწინებს დაწყებითი საფეხურის საზოგადოებრივი მეცნიერებების სტანდარტის, სასწავლო და დამხმარე მეთოდოლოგიური მასალებისა და მასთან დაკავშირებული დოკუმენტების შემუშავების პროცესის ხელშეწყობას, კერძოდ, საექსპერტო საქმიანობის, სამუშაო შეხვედრების, საჯარო ღონისძიებების ორგანიზებას როგორც თბილისში, ასევე საქართველოს რეგიონებში.
აღნიშნული პროექტი ფინანსდება ევროკავშირისა და კონრად ადენაუერის ფონდის მიერ.