Asset Publisher

ღონისძიებები

KAS ACADEMY OF POLITICAL EDUCATION

კონრად ადენაუერის ფონდის პოლიტიკური განათლების აკადემია

კონრად ადენაუერის სახელობის ფონდი (KAS) აცხადებს მონაწილეთა შერჩევას პოლიტიკური განათლების აკადემიის 2022 წლის ნაკადისათვის.

Asset Publisher

კონრად ადენაუერის სახელობის ფონდი (KAS) აცხადებს მონაწილეთა შერჩევას პოლიტიკური განათლების აკადემიის  2022 წლის ნაკადისათვის.

აკადემია მიზნად ისახავს ახალგაზრდებში (18-25 წლის) არაფორმალური პოლიტიკური განათლების განვითარების ხელშეწყობასა და პოპულარიზაციას.  პროექტში მონაწილეობის მიღება შეუძლია ნებისმიერი მიმართულების/სპეციალობის სტუდენტს

პოლიტიკური განათლების აკადემია განხორციელდება ორ ეტაპად:

  1. 2022 წლის  7, 8, 9 და 10 ივლისს „ფაბრიკაში“ ჩატარდება 4 დღიანი ტრენინგი კონკურსით შერჩეული სტუდენტებისათვის. ტრენინგის შემდეგ სტუდენტები საკუთარ უნივერსიტეტებში განახორციელებენ შემუშავებულ პროექტს,  რომლებსაც კონრად ადენაუერის  ფონდი  დააფინანსებს.
  2. 2022 წლის 22-25 სექტემბერს მონაწილე სტუდენტები შეიკრიბებიან საზაფხულო სკოლაში, რომელიც კახეთში ჩატარდება.
  3. პროექტის მონაწილეებს სრული კურსის დამთავრების შემდეგ გადაეცემათ სერტიფიკატები.

მონაწილეთა შერჩევა:

კონკურსში მონაწილეობის მიღება შეუძლიათ ილიას სახელმწიფო უნივერსიტეტის, თბილისის ივანე ჯავახიშვილს სახელობის სახელმწიფო უნივერსიტეტისა და ქუთაისის აკაკი წერეთლის სახელობის სახელმწიფო უნივერსიტეტის საბაკალავრო საფეხურის 1-ელ, მე-2 და მე-3 კურსელ სტუდენტებს.

პოლიტიკური განათლების აკადემიაში მონაწილეობის მსურველებმა 2022 წლის 10 ივნისამდე უნდა გამოაგზავნონ  განაცხადი   ელ. მისამართზე: info.georgien@kas.de

განაცხადი  მოიცავს CV-ს და არგუმენტირებულ ესეს. (Word, მაქს. 500 სიტყვა, ფონტი Sylfaen 11, სტრიქონებს შორის ინტერვალი 1,15, ქართულ ენაზე).

ესე: 2022 წლის 24 თებერვალს რუსეთმა უკრაინაში ფართომასშტაბიანი ომი წამოიწყო. რუსეთის აგრესიის შესაჩერებლად, საერთაშორისო აქტორების დიდმა ნაწილმა ეტაპობრივი სანქციები დაუწესა მისთვის [რუსეთისთვის] კრიტიკულად მნიშვნელოვან კომპანიებს, ფინანსურ ინსტიტუტებს, ასევე პუტინთან დაახლოებულ ოლიგარქებს თუ პოლიტიკოსებს-რუსული პოლიტიკური ელიტის მნიშვნელოვან ნაწილს. იმ ქვეყნების სიაში, რომლებიც შეუერთდნენ საერთაშორისო სანქციებს, არ არის საქართველო.

ომის დაწყების დღიდან, შეინიშნება ქართველი ხალხის მობილიზება და მხარდაჭერა უკრაინის სახელმწიფოს და უკრაინელების მიმართ, რაც მასობრივი აქციების, თუ სხვადასხვა ჰუმანიტარული ღონისძიებების ორგანიზებაში გამოიხატება. შესაბამისად, ქვეყნის ხელისუფლების სანქციებთან დაკავშირებულმა მიდგომამ,   საზოგადოების მღელვარება და უკმაყოფილება გამოიწვია.

როგორ ფიქრობთ, უნდა შეუერთდეს თუ არა საქართველო საერთაშორისო სანქციებს რუსეთის წინააღმდეგ და რა საფრთხეებს შეიძლება შეიცავდეს ეს ქვეყნისთვის? ვინ უნდა წყვეტდეს მსგავს საკითხებს?  გვკარნახობს თუ არა პრაგმატული გათვლა რუსეთის ,,არგაღიზიანებას“, თუ პირიქით, გრძელვადიან პერსპექტივაში, „სწორ მხარეს“ დადგომა მოგვიტანს წარმატებას?

მონაწილეთა განაცხადებს განიხილავს კომისია. არგუმენტირებული ესეს შეფასებისას გათვალისწინებული იქნება განმცხადებლის მიერ წარმოჩენილი:

  • პოლიტიკური წიგნიერება;
  • არგუმენტაციის უნარი;
  • აკადემიური წერის სტილი;

კომისია განცხადების განხილვის საფუძველზე შეარჩევს გასაუბრების კანდიდატებს. გასაუბრებები შედგება 2022 წლის 20-24 ივნისს.

განაცხადების განხილვისა და გასაუბრების შედეგების საფუძველზე შეირჩევიან  პოლი-ტიკური განათლების აკადემიის მონაწილე სტუდენტები.

საკონტაქტო ინფორმაცია:

შორენა ღარიბაშვილი - კონრად ადენაუერის სახელობის ფონდის პროგრამის მენეჯერი ელ-ფოსტა: shorena.gharibashvili@kas.de

Asset Publisher

comment-portlet

Asset Publisher

Asset Publisher